Chituwa 13:16 - Tonga Bible 1986

¹⁶ Chikaŵanga nge nchakuteskiyapo pa janja linu pamwenga pa mbonekera pakati pa maso ghinu, pakuti ndi janja la nthazi Ambuya angutituzga mu Egipiti.”

Chituwa 13:16 Referans Kwoze

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Marangu 11:18

“Viyo mughasunge mazu ghangu yagha mu maghanoghano ghinu ndi mu mtima winu, mughamangiriye pa janja nge nchisimikizgu ndipo ghakaŵanga nge nchifuku cha chiremba pa maso ghinu.

Chituwa 13:14

Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Marangu 26:8

Sono Ambuya angutituzga mu Egipiti ndi janja lakutambaruka, ndi chofyu chikuru, ndi visimikizgu, ndi vyakuziziswa.

Chituwa 12:13

Ndopa zikaŵanga chisimikizgu kwaku imwe, pa nyumba zo mulimo; ndipo ndichiwona ndopa, ndikajumphangapo pinu, ndipo palivi chideru cho chikaŵanga pinu kumunangani, penipo ndikakosonga charu cha Egipiti.

Machitidu gha Ŵakutumika 13:17

Chiuta wa khamu lenili Yisraele, wangusankha auskefwe, ndi wangulitumphuska khamu lo mu chitandara cho chamu Egipiti, ndipo ndi janja lakutumphulika wanguŵatuzga mwenimo.

Chituwa 6:1

Kweni Ambuya anguti kwaku Mosese, “Sono ukawonanga chenicho ndikachitanga kwaku Farao pakuti ndi nthazi wakaŵatuzganga, inya ndi nthazi wakaŵadikiskanga mu charu chake.”

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Chituwa 12:41

Ndipo pa umari wa virimika machumi pe chumi ghanayi ndi machumi ghatatu (430) mu zuŵa leniliya, maŵanja ghose gha Ambuya ghangutuwa mu charu cha Egipiti.

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Marangu 6:21

Ndipo imwe mukatinge ku ŵana ŵinu, ‘Tenga ŵaŵanda ŵaku Farao mu Egipiti, ndipo Ambuya angutituzga ndi janja lanthazi.

Ŵeruzgi 2:12

Ŵangujowo Ambuya, Chiuta wa auskeu, yo wanguŵatuzga mu charu cha Egipiti, ŵangundondoloska ŵachiuta ŵanyake, ŵamu ŵachiuta ŵa ŵanthu wo ŵajanga kwakuŵazunguliya ndipo ŵanguŵalambiya wo; ndipo ŵangusosomole Ambuya ku ukari.

Nehemiya 1:10

Yaŵa mbateŵeti ŵinu ndi ŵanthu ŵinu wo munguwombo ndi nthazi zinu zikuru ndi janja linu lakulimba.

Sumu 136:11

Wangutuzga ŵaYisraele mu Egipiti, chifukwa nchamuyaya chifundu chake;

Nthanthi 6:21

Uvimangiliye pa mtima wako nyengo zose; uvimangiliye mu khosi lako.

Danyele 9:15

Sono, Ambuya Chiuta widu, imwe mungutuzga ŵanthu ŵinu mu charu cha Egipiti ndi janja lanthazi, mwajitore mbiri mpaka zuŵa lino; ifwe talakwa, tachita uheni.