Chituwa 13:15 - Tonga Bible 1986

¹⁵ Pakuti penipo Farao wangukana ndi unonono kutizomerezga kuruta, Ambuya angubaya ŵaumwali wose mu charu cha Egipiti wose ŵaumwali ŵa munthu ndi ŵaumwali ŵa ng'ombe. Chifukwa cho ndipereka ku Ambuya ŵaumwali wose wo ŵajura chibali; kweni ŵaumwali wose ŵa ŵana ŵanthurumi ndiwombo.’

Chituwa 13:15 Referans Kwoze

Chituwa 12:29

Ndi usiku pakati Ambuya angukoso ŵaumwali wose mu charu cha Egipiti, kwamba ku waumwali waku Farao yo wajanga pa chitengo chake cha ufumu, kwachifika ku waumwali wa wakukoreka yo wenga mu zenje la ukayidi, ndi ŵaumwali wose ŵa ng'ombe.

Chituwa 34:20

Chakudanga cha mbunda mukawombonga ndi mwana mberere, asani mukawombouga cha mukafyonga khosi lake. Waumwali wose ŵa ŵana ŵinu ŵanthurumi mukawombonga. Palivi yumoza waku wo wakazanga paurongo pangu manja ghaŵaka.

Maŵerengedu 3:46

Ndipo pakuwomboleka kwa ŵaumwali ŵa ŵaYisraele wo machumi pe chumi ghaŵi pachanya machumi ghankhonde ndi ghaŵi ndi ŵatatu (273) wo ŵajumpha unandi wa ŵaLevi

Maŵerengedu 18:15

Che chose cho chijula chibali cha vyamoyo vyose, manyi ndi munthu pamwenga chakuŵeta cho ŵapereka ku Ambuya, chikaŵanga chako; kweni ndipuuli mwana wa umwali wa munthu ukamuwombonga ndi cha umwali cha vyakuŵeta vyo vye ndi kalema, ukachiwombonga.

Sumu 105:36

Angubaya wose ŵana ŵa umwali mu mbumba zose mu Egipiti.

Chituwa 3:19

Ndiziŵa kuti karonga wa Egipiti wakumuzomerezgani kuruta cha, kweni asani wangachichizgika ndi janja la nthazi ndipo.

Chituwa 4:23

ndipo ndititi kwaku iwe, “Umuzomerezge mwana wangu warutenge alinga wakanditataliyenge.” Asani ukakananga kuti warutenge, ehe, ndikabayanga mwana wako munthurumi waumwali.’ ”