Chituwa 13:14 - Tonga Bible 1986

¹⁴ Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

Chituwa 13:14 Referans Kwoze

Yoswa 4:6

mwakuti ichi chikuŵiyeni chikumbusku, penipo ŵana ŵinu ŵazamufumba mukucha, ‘Kumbi mya yo ying'anamuwanji kwaku imwe?’

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Sumu 145:4

Vyo mwachita vikarumbikanga kutuwa ku mgonezi umoza kuya ku mgonezi unyake; ŵataulenge vya milimu yinu ya nthazi.

Yoswa 22:24

Aŵa, kweni ifwe tachita ichi chifukwa chakopa kuti mu nyengo yo yituza vinu ŵana ŵinu ŵazamunena ndi ŵana ŵidu kuti, ‘Mwe nawo ndi kane Ambuya Chiuta waku Yisraele?

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chituwa 10:2

Ndipo unene mwana wako munthurumi ndi mzuku wako munthurumi, ndi uli mo ndachitiya ndi ŵaEgipiti, ndi visimikizgu vyo ndaŵawoneska alinga kuti muziŵe kuti ndine Ambuya.”

Chiyambo 30:33

Viyo wazamuwona kuti nde mukongolekwa, penipo ukasandanga mphoto yangu kwaku iwe. Yose yeniyo kuti njakuvurumutiya cha pamwenga ya maŵanga cha mukati mu mbuzi ndi yifipa cha mukati mu mberere, asani yisanilika kwaku ine, yikaŵerengekanga kuti njakuba.”

Machitidu gha Ŵakutumika 13:17

Chiuta wa khamu lenili Yisraele, wangusankha auskefwe, ndi wangulitumphuska khamu lo mu chitandara cho chamu Egipiti, ndipo ndi janja lakutumphulika wanguŵatuzga mwenimo.

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Chituwa 13:8

Ndipo mukamuneniyanga mwana winu munthurumi mu zuŵa lo, ‘Nchifukwa chaku cho Ambuya angundichitiya po ndingutuwa mu Egipiti.’

Sumu 78:4

Kuti, tivibisenge ku ŵana ŵidu cha, kukonkhome mgonezi wo utuza; vya milimu ya nthazi ya Ambuya ndi mazaza ghawo, ndi vinthu vyakuziziswa vyo achita.

Chituwa 6:1

Kweni Ambuya anguti kwaku Mosese, “Sono ukawonanga chenicho ndikachitanga kwaku Farao pakuti ndi nthazi wakaŵatuzganga, inya ndi nthazi wakaŵadikiskanga mu charu chake.”

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

Chituwa 12:41

Ndipo pa umari wa virimika machumi pe chumi ghanayi ndi machumi ghatatu (430) mu zuŵa leniliya, maŵanja ghose gha Ambuya ghangutuwa mu charu cha Egipiti.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Marangu 5:6

“ ‘Ndine Ambuya Chiuta wako, yo wakutuzga mu charu cha Egipiti, mu nyumba ya uŵanda.

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Marangu 6:12

chenjeni vinu mungachiruwa Chiuta, mweniyo wakumutuzgani mu charu cha Egipiti, munyumba ya uŵanda.

Yoswa 24:17

pakuti ndi Ambuya yo wangutituzga ifwe ndi auskefwe mu charu cha Egipiti, mu nyumba ya uŵanda, ndi mweniyo wanguchita visimikizgu vikuru viya mu maso ghidu, wangutisunga mu nthowa mose mo tingwenda, ndi mukati mu ŵanthu wose wo tinguporotamo;

Ŵeruzgi 2:12

Ŵangujowo Ambuya, Chiuta wa auskeu, yo wanguŵatuzga mu charu cha Egipiti, ŵangundondoloska ŵachiuta ŵanyake, ŵamu ŵachiuta ŵa ŵanthu wo ŵajanga kwakuŵazunguliya ndipo ŵanguŵalambiya wo; ndipo ŵangusosomole Ambuya ku ukari.

Ŵeruzgi 6:8

Ambuya angutuma mchimi ku ŵaYisraele; yo wanguti kwaku wo, “Ichi ndicho akamba Ambuya, Chiuta waku Yisraele: Ndingukurongozgani kutuwa ku Egipiti, ndipo ndingukutuzgani mu nyumba ya uŵanda.

1 Mikoka 16:12

Kumbukani nchitu zakuziziswa zo wachita, vyaminthondwe vyo wachita, ndi vyeruzgu vya mlomo wake,

Nehemiya 1:10

Yaŵa mbateŵeti ŵinu ndi ŵanthu ŵinu wo munguwombo ndi nthazi zinu zikuru ndi janja linu lakulimba.

Sumu 136:11

Wangutuzga ŵaYisraele mu Egipiti, chifukwa nchamuyaya chifundu chake;

Yeremiya 34:13

“Viyo atiti Ambuya, Chiuta waku Yisraele: Ndinguchita phanganu ndi auskemwe penipo ndinguŵatuzga mu charu cha Egipiti, kutuwa ku nyumba ya uŵanda, ndinguti,

Danyele 9:15

Sono, Ambuya Chiuta widu, imwe mungutuzga ŵanthu ŵinu mu charu cha Egipiti ndi janja lanthazi, mwajitore mbiri mpaka zuŵa lino; ifwe talakwa, tachita uheni.