Chituwa 13:12 - Tonga Bible 1986

¹² mukapatuliyanga pade ku Ambuya chose cho chijura chibali. Chaumwali chose cha ng'ombe zinu cho nchinthurumi chikaŵanga cha Ambuya.

Chituwa 13:12 Referans Kwoze

Maŵerengedu 18:15

Che chose cho chijula chibali cha vyamoyo vyose, manyi ndi munthu pamwenga chakuŵeta cho ŵapereka ku Ambuya, chikaŵanga chako; kweni ndipuuli mwana wa umwali wa munthu ukamuwombonga ndi cha umwali cha vyakuŵeta vyo vye ndi kalema, ukachiwombonga.

ŴaLevi 27:26

Kwambura kudodoma cha, paulevi munthu yo wakapatuliyanga nyama ya umwali ku Ambuya, yeniyo yitenere kuperekeka ngenjakudanga kupapika, manyi ndi ng'ombe pamwenga mberere.

Chituwa 34:19

Chose chakujura chibali nchangu, ng'ombe zinu zose zinthurumi, vyakudanga vya ng'ombe yinthukazi ndi mberere.

Ezekiele 44:30

Vipasi vyamruwuku vyamitundu yose, ndi mpasku we wose wamtundu wose wa mipasku yinu, vikaŵanga vya ŵazukuru; mukapaskanga ŵazukuru nthimphwa yinu yakudanga ya mugayiwa, mwakuti chitumbiku chijenge pa nyumba yinu.

Chituwa 13:2

“Undipatuliye waumwali wose, che chose cho nchakudanga kubanuwa chibali mukati mu ŵaYisraele, wose ŵa munthu ndi ŵa nyama, mbangu.”

Marangu 15:19

“Ŵana ŵanthurumi ŵakudanga wose ŵa ng'ombe zinu ndi ŵa mberere zinu ndi mbuzi zinu, mukapaskanga ku Ambuya Chiuta winu. Mungachitanga nawo nchitu ŵana ŵakudanga kupapika ŵa ng'ombe zinu, pamwenga kusenga weya wa ŵana ŵakudanga ŵa mberere zinu.

Chituwa 22:29

“Ungaswereskanga kupereka vya uzari wa vuna wako ndi ku vyakukumphiya vya kufinya kwa mphereska zako. “Waumwali wa ŵana ŵako ŵanthurumi ukapaskanga ine.

Maŵerengedu 8:17

Pakuti ŵa umwali wose mu ŵaYisraele mbangu, wose ŵa ŵanthu ndi ŵa viŵetu; pa zuŵa liya ndingubayiya ŵa umwali wose mu charu cha Egipiti, ndingujipatuliya ŵaYisraele kuŵa ŵangu,

Maŵerengedu 3:12

“Awonani, ndaŵatuzgamo ŵaLevi mukati mu ŵaYisraele mu malo gha mwana yose yo wabanuwa chibali mu ŵaYisraele. ŴaLevi ŵakaŵanga ŵangu,

Luka 2:23

(mo kwalembeke mu dangu la Mbuya, “Munthurumi yose wakubanuwa chibali wakadanikanga wakupaturikiya ku Ambuya”)

Chituwa 13:1

Ambuya anguti kwaku Mosese,

Ezekiele 16:20

Ndipo ŵana ŵanthurumi ndi ŵana ŵanthukazi wo ungupapiya ine, iwe ukuŵato kuŵapereka sembe kwaku wo kuti ŵarghike. Kumbi chifukwa cha maureŵi ghako kenga kanthu kawana-wana,

Chituwa 22:28

“Ungatukanga Chiuta cha, chingana nkhutemba mweruzgi wa ŵanthu ŵako.

Chituwa 34:20

Chakudanga cha mbunda mukawombonga ndi mwana mberere, asani mukawombouga cha mukafyonga khosi lake. Waumwali wose ŵa ŵana ŵinu ŵanthurumi mukawombonga. Palivi yumoza waku wo wakazanga paurongo pangu manja ghaŵaka.

Maŵerengedu 3:13

pakuti wose ŵa umwali mbangu; pa zuŵa lo ndingukosole ŵa umwali mu charu cha Egipiti, ndingujipatuliya, kuŵa ŵangu wose ŵa umwali mu Yisraele, wose ŵa ŵanthu ndi ŵa vinyama; ŵakaŵanga ŵangu; ine ndine Ambuya.”

Nehemiya 10:36

ndipo so kutole ku nyumba yaku Chiuta widu, ku ŵazukuru ŵeniwo mbakuteŵeta mu nyumba yaku Chiuta widu, ŵana ŵidu ŵanthurumi ŵa umwali ndi ŵa ng'ombe kwakuyana ndimo kukulembeke mu dangu, za umwali za viŵetu vidu ndi miskambu yidu;

Nehemiya 10:37

ndi kuza ndi mabulunga ghidu ghakudanga gha ufwa wakukanya, ndi mipasku yidu, chipasi cha muti we wose, vinyo ndi mafuta ku ŵazukuru, kuvipinda vya nyumba yaku Chiuta widu, ndi kutole ku ŵaLevi vya chichumi vya nyata yidu, pakuti mba Levi ŵeniwo ŵalonde vya chichumi mu mizi yidu yose zingirizgi.