Chituwa 12:48 - Tonga Bible 1986

⁴⁸ Ndipo asani mlendo wakuyinga namwe wangaziŵa kusunga kujumphapo ŵaka kwa Ambuya, wose ŵanthurumi ŵake ŵachinjike, po ndipo wangaziŵa kundere pafupi ndi kulisunga, wakaŵanga nge ndi mweni charu. Kweni palivi munthu wambura kuchinjika warghepo.

Chituwa 12:48 Referans Kwoze

Maŵerengedu 9:14

Asani mlendo waja mukati mwinu nayo so wachitiyenge Ambuya phaska, kwakulingana ndi dangu lapa phaska, ndi kwakuyana ndi kachitiru kake, dangu ndimoza pa mlendo ndi pa mweni charu.”

ŴaKolose 3:11

Kweniko kuti kukaŵanga muGriki ndi muYuda cha, muchinju ndi wakuura-muchinju, muheriheri, muSkutia, muŵanda, mwanangwa: kweni Kristu ndiyo ndi vyose mwaku vyose.

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

Ezekiele 47:22

Mukachigaŵanga nge nchihara chaku mwaŵeni ndi cha ŵalendo ŵakuja mukati mwinu wo ŵabariyamo ŵana mwaku imwe. Kwaku imwe ŵakaŵanga nge mbana ŵa ŵeni charu ŵa ŵaYisraele; ŵakagaŵikiyanga chihara pamoza namwe mukati mu mafuku ghaku Yisraele.

Chituwa 12:43

Ndipo Ambuya anguti kwaku Mosese ndi Aroni, “Ili ndi dangu la dghera la kujumphapo ŵaka; palivi mlendo yo wakarghangapo;

Chituwa 12:19

Kwa mazuŵa ghankhonde ndi ghaŵi mtupu ureke kusanirika mu nyumba zinu; pakuti asani we yose waturgha cha mtupu, munthu yo wakadumukangako ku wumba wa ŵaYisraele, manyi ndi mlendo chingana ndi mweni charu.

Ezekiele 44:9

“Chifukwa cho atiti Ambuya Chiuta; Mlendo cha, wambura kuchinjika mu mtima ndi liŵavu cha kuti wasere mu malo ghangu ghatuŵa, inya, chingana ndi mlendo yo waja mukati mu ŵaYisraele.

Chiyambo 17:12

Mwana we yose yo ngwa mazuŵa ghankhonde ndi ghatatu mukati mwinu, wakachinjikanga; munthurumi we yose mu migonezi yose, manyi ngwakupapika mu nyumba yinu,

Chiyambo 17:11

Mukachinjikanga mu nyama ya kusongo kwinu, ndipo ichi chikaŵanga chisimikizgu cha phanganu la pakati pangu ndi imwe.

Ezekiele 14:7

Pakuti we yose wa nyumba yaku Yisraele, pamwenga wa ŵalendo ŵakutandara mu Yisraele, yo watijipatuska mweneko kwaku ine, pa kuŵika ŵangoza ŵake mu mtima wake ndi pakuŵika chiguŵisku cha uheni wake pa maso pake, ndipuuli watuza ku mchimi kuzachifumba ine, Ine Ambuya ndimwamukenge;

ŴaLevi 19:34

Mlendo wakutandala namwe, wakaŵanga namwe uli ndi mweni charu, mukamwanjanga uli ndimo mutanjirana mwaŵeni. Pakuti imwe mwenga ŵalendo mu charu cha Egipiti. Ndine Ambuya.