Kweni munthu yo ngwakuphotoka ndipo kuti we pa ulendo cha, asani wareka kuchita phaska, munthu wa viyo wadumulikeko ku ŵanthu ŵake, chifukwa walivi kuchitiya phaska Ambuya pa nyengo yake yakutemeka; munthu yo wakapinganga ulakwi wake.
Munene wumba wose wa ŵaYisraele kuti pa zuŵa la chumi la mwezi uwu ŵakatonga munthu we yose mberere kwakulingana ndi nyumba za auskeu, mberere yimoza pa nyumba yimoza:
Asani mlendo waja mukati mwinu nayo so wachitiyenge Ambuya phaska, kwakulingana ndi dangu lapa phaska, ndi kwakuyana ndi kachitiru kake, dangu ndimoza pa mlendo ndi pa mweni charu.”
