Chituwa 12:41 - Tonga Bible 1986

⁴¹ Ndipo pa umari wa virimika machumi pe chumi ghanayi ndi machumi ghatatu (430) mu zuŵa leniliya, maŵanja ghose gha Ambuya ghangutuwa mu charu cha Egipiti.

Chituwa 12:41 Referans Kwoze

Machitidu gha Ŵakutumika 1:7

Kweni wanguŵanene, “Kuti nkhwaku imwe cha kuziŵa zinyengo pamwenga virimika vyo Dada wateme mu mtufu waku yija.

Yohane 7:8

Rutaninge imwe ku dghera lo: ine kuti ndirutenge ku dghera ili cha, pakuti nyengo yangu yindafiskike.”

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Sumu 102:13

Imwe mukasokanga ndi kuchitiya lisungu Zioni; nyengo yakumuchitiya lisungu yafika; nyengo yo njeniyi!

Yoswa 5:14

Iyo wanguti, “Awa, kweni nde wakulamula wankhondo wa Ambuya ndimu ndaziya.” Ndipo Yoswa wanguwa pasi kavunama, wangusopa, ndipo wangunena nayo, “Nchine cho mbuya walanguliya mteŵeti wake?”

Chituwa 12:51

Ndipo mu zuŵa leniliya Ambuya angutuzga ŵaYisraele mu charu cha Egipiti mu maŵanja ghawo.

Chituwa 12:17

Ndipo mukasunganga dghera la chiŵande chambura mtupu, pakuti pa zuŵa lenili ndilo ndingutuzgiyamo maŵanja ghinu mu charu cha Egipiti viyo mukasunganga zuŵa ili, mu migonezi yose, nge ndi dangu muyaya.

Chituwa 7:4

Farao kuti wakumutegherezgani cha; pavuli ndikaŵikanga janja langu pa ŵaEgipiti ndi kutuzgamo maŵanja ghangu, ŵanthu ŵangu, ŵana ŵaku Yisraele mu charu cha Egipiti ndi nchitu zikuru za cheruzgu.

Chituwa 3:10

Zanga ndikakutumanga kwaku Farao kuti ukatuzge ŵanthu ŵangu, ŵana ŵaku Yisraele, mu charu cha Egipiti.”

Machitidu gha Ŵakutumika 7:36

Ndiyo wanguŵatuzgamo, wati wachita virwita ndi visimikizgu mu charu cha Egipiti ndi mu Nyanja Yiyera, ndimu bozwa lo virimika machumi ghanayi (40).

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Chiyambo 50:24

Ndipo Yosefe wanguti ku ŵana ŵanyake, “Ine nde pafupi kufwa; kweni Chiuta wakachezganga namwe, ndipo wakakutuzganinga mu charu ichi kuya ku charu chenicho wangurapiya kwaku Abrahamu kwaku Yisaki, ndi kwaku Yakobe.”

Chituwa 6:26

Yaŵa ndiwo Aroni ndi Mosese kwaku wo Ambuya anguti: “Tuzgani mtundu waku Yisraele mu charu cha Egipiti mu maŵanja ghawo.”

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chituwa 13:14

Ndipo asani mu nyengo yo yituza mwana winu munthurumi watikufumbani, ‘Ching'anamuwanji ichi?’ Mutinge kwaku iyo, ‘Ndi nthazi ya janja Ambuya angutituzga mu Egipiti, ku nyumba ya uŵanda,

Chituwa 13:16

Chikaŵanga nge nchakuteskiyapo pa janja linu pamwenga pa mbonekera pakati pa maso ghinu, pakuti ndi janja la nthazi Ambuya angutituzga mu Egipiti.”

ŴaLevi 23:43

alinga kuti migonezi yinu yiziŵe kuti ndine ndingulanguliya ŵaYisraele kuja mu misasa, ndinguti ndaŵatuzga mu charu cha Egipiti. Ine ndine Ambuya Chiuta winu.”

Maŵerengedu 23:22

Chiuta watiŵatuzga mu Egipiti; we ndi nthazi nge ndi masengwe gha njati.

Maŵerengedu 33:1

Yagha ndi maulendo gha ŵa Yisraele, ŵachituwa mu charu cha Egipiti mu mafuku ghawo pasi pa urongozgi waku Mosese ndi Aroni.

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.

Marangu 16:1

“Kumbukani cho mutenere kuchita mu mwezi wa Abibi, ndipo rghani dghera la phaska nge ndimo Ambuya akumulanguliyani. Pakuti mu mwezi wa Abibi Ambuya Chiuta winu wangumutuzgani ndi usiku mu Egipiti.

Yoswa 24:5

Ndipo ndingutuma Mosese ndi Aroni, ndinguderuwa Egipiti ndi vyo ndinguchita mukati mwake, pavuli pake ndingumutuzgani imwe.

1 ŴaKaronga 6:1

Mu chirimika cha machumi pe chumi ghanayi ndi machumi ghankhonde ndi ghatatu (480) ŵaYisraele ŵati ŵatuwa mu charu cha Egipiti, mu chirimika cha chinayi cha muwusu waku Solomoni pa ŵaYisraele, mu mwezi wa Zivu, wo ndi mwezi wachiŵi, wangwamba kuzenga nyumba ya Ambuya.

2 Mikoka 14:12

Viyo Chiuta wangukoso ŵa Etiopia paurongo paku Asa ndi Yuda, ŵaEtiopia ŵanguthaŵa.

Sumu 114:1

Wachituwa Yisraele mu Egipiti, nyumba yaku Yakobe mu ŵanthu ŵa kakambidu kalendo;

Sumu 136:11

Wangutuzga ŵaYisraele mu Egipiti, chifukwa nchamuyaya chifundu chake;