Chituwa 12:22 - Tonga Bible 1986

²² Toni khoroza la mani ndi mulibizge mu ndopa zo ze mu mbali; ndipo mupake pa mugoro ndi nchindamiru ziŵi zapa khomo ndi ndopa zo zemu mbali, ndipo palivi yumoza wakatuwanga pa khomo la nyumba mpaka mlenji.

Chituwa 12:22 Referans Kwoze

ŴaHebere 11:28

Ndi chivwanu wanguchita phaska, ndi chiwazga cha ndopa so, alinga kuti yo wanguŵananga ŵakupapika-danga wangaŵakwaska cha.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Maŵerengedu 19:18

sono munthu wakuphotoka wato husopi wadire mu maji, wawazge pa hema, ndi pa vyakunyamuliya vyake, ndi pa ŵanthu wo ŵenga penipa, ndipo ndi paku iyo wakukwaska chiŵanda, pamwenga wakubayika, pamwenga chiŵanda, pamwenga muunda;

ŴaHebere 9:19

Pakuti lati lakambikiya ndi Mosese ku khamu lose langulu lose mwa dangu, wanguto ndopa zo za matholi ndi vyaphongu pamoza ndi maji ndi thonji lakuchesama ndi husope, ndipo wangumijiya buku nalo ndi so khamu lo lose,

ŴaHebere 9:1

Kweni chingana nchipanganu nacho chakudanga chinguŵa ndi miteŵetu ya chisopa, ndi so nyumba yakupaturika yapa charu.

Chituwa 12:7

Sono ŵakatongapo ndopa, ndi kuziŵika pa nchindamiru ziŵi za pakhomo ndi pa mugoro wazinyumba mwenimo ŵakarghiyanga.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

ŴaHebere 12:24

ndi kwaku Yesu, mwendapakati wa chipanganu chifya, ndi ku ndopa za chiwazga, zo zikamba ghamamphako kwakuruska zaku Abelu.

Mateyu 26:30

Ndipo ŵanguti ŵamba sumu ŵangutuliya ku phiri la Olivete.

Yesaya 26:20

Zaninga, mwa ŵanthu ŵangu, sereni muvipinda vinu, jarani visasa kuvuli kwinu, bisamani kwa nyengo yimanavi mpaka penipo ukari wakapo.

Yoswa 2:19

Asani yumoza wakatuwanga mu nyumba yako kuruta ku bwalo, ndopa zake zikaŵanga pamutu wake, ifwe tikaŵanga ŵambura mlando; kweni asani janja lamuŵikika paku yose yo wendi iwe mu nyumba mo, ndopa zake zikaŵanga pa mutu widu.