Chituwa 12:2 - Tonga Bible 1986

² “Muchiti mwezi uwu kuŵa mwezi wakwamba kwa myezi; ukaŵanga mwezi wakudanga wa chirimika kwaku imwe.

Chituwa 12:2 Referans Kwoze

Chituwa 13:4

Zuŵa ili mukatuwanga, mu mwezi wa Abibi.

Marangu 16:1

“Kumbukani cho mutenere kuchita mu mwezi wa Abibi, ndipo rghani dghera la phaska nge ndimo Ambuya akumulanguliyani. Pakuti mu mwezi wa Abibi Ambuya Chiuta winu wangumutuzgani ndi usiku mu Egipiti.

Chituwa 34:18

“Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Chituwa 23:15

Mukasunganga dghera la chiŵandi chambura mtupu, uli ndimo ndingukulanguliyani, mukarghanga chiŵandi chambura mtupu mazuŵa ghankhonde ndi ghaŵi panyengo yakutemeka mu mwezi wa Abibi, pakuti mwaku wo imwe mungutuwa mu Egipiti. Paulevi yumoza wakuzachiwoneka paurongo pangu manja ghaŵaka.

Maŵerengedu 28:16

“Pa zuŵa la chumi ndi ghanayi la mwezi wakudanga ndi dghera la phaska la Ambuya.

ŴaLevi 23:5

Mu mwezi wakudanga, pa zuŵa la chumi pachanya ghanayi, ku mazulo ndi phaska la Ambuya.

Estere 3:7

Mu mwezi wakudanga, wo ndi mwezi wa Nisani, chirimika cha chumi ndi viŵi cha karonga Ahaswerusi, ŵanguwombeza Puri (uwu ndi ula.) Zuŵa ndi zuŵa, maso ghaku Hamani ndiso mwezi ndi mwezi mpaka mwezi wa chumi ndi yiŵi, mwezi wa Adara.

Chituwa 12:1

Ambuya anguti kwaku Mosese ndi Aroni mu charu cha Egipiti,

Chituwa 12:3

Munene wumba wose wa ŵaYisraele kuti pa zuŵa la chumi la mwezi uwu ŵakatonga munthu we yose mberere kwakulingana ndi nyumba za auskeu, mberere yimoza pa nyumba yimoza:

Chituwa 12:18

Mu mwezi wakudanga, pa zuŵa la chumi ndi chinayi la mwezi wo ndi mazulo, mukarghanga chiŵande chambura mtupu, ndipo viyo mpaka zuŵa la machumi ghaŵi ndi limoza (21) la mwezi wo ndi mazulo.

Ezekiele 45:18

“Viyo atiti Ambuya Chiuta: Pa zuŵa lakwamba la mwezi mu mwezi wakudanga, ukatonga nkhuzi ya mpupuka yambura kalema, uphoto malo ghakupaturika.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Chituwa 40:17

Ndipo mu mwezi wakudanga wa chirimika cha chiŵi, pa zuŵa lakudanga la mwezi, hema lakupaturika linguzengeka.

Ezekiele 45:21

“Pa zuŵa la chumi ndi ghanayi, mu mwezi wakudanga, mukaŵanga ndi dhera lakujumphapo ŵaka, mukarghanga chiŵande chambura mtupu kwa mazuŵa ghankhonde ndi ghaŵi.