Chituwa 12:16 - Tonga Bible 1986

¹⁶ Pa zuŵa lakudanga mukaŵanga ndi ungano wakupaturika, ndi pa zuŵa la chinkhonde ndi chiŵi ungano wakupaturika; palivi mlimu wo ukachitikanga pa mazuŵa gho; kweni chenicho we yose watenere kurgha, chenicho pe mungaziŵa kuchirongoso imwe.

Chituwa 12:16 Referans Kwoze

Maŵerengedu 28:18

Pa zuŵa la kudanga pakaŵanga ungano wakupaturika: mureke kuchita nchitu ya mazuŵa ghose,

Maŵerengedu 28:25

Ndipo pa zuŵa la chinkhonde ndi chiŵi mukaŵanga ndi unganu wakupaturika; mungachitanga nchitu ya mazuŵa ghose cha.

Chituwa 16:23

iyo wanguti kwaku wo, “Ichi ndicho ŵalangula Ambuya. ‘La mawa ndi zuŵa lakuzirwa la chipumulo ndi Sabata lakupaturika ku Ambuya; wochani vyo mungawocha ndi bikani vyenivyo mungabika, ndipo vyo vyajako muŵike mpaka mlenji.’ ”

Maŵerengedu 29:12

“Pa zuŵa la chumi ndi ghankhonde ndi la mwezi wa chinkhonde ndi chiŵi mukaŵanga ndi unganu wakupaturika; mureke kuchita nchitu ya mazuŵa ghose, ndipo mukaŵanga ndi dghera mazuŵa ghankhonde ndi ghaŵi ku Ambuya;

Maŵerengedu 29:1

“Pa zuŵa lakudanga la mwezi wa chinkhonde ndi chiŵi mukaŵanga ndi unganu wakupaturika; mureke kuchita nchitu ya mazuŵa ghose. Ndi zuŵa lakumbiya zimbata,

ŴaLevi 23:35

Pa zuŵa lakudanga pakaŵanga ungano wakupaturika; kuti mukachitanga nchitu yanthazi cha.

ŴaLevi 23:27

“Pa zuŵa la chumi la mwezi uwu wa chinkhonde ndi chiŵi ndi zuŵa la mphepeska; likaŵanga kwaku imwe nyengo yakuwunganirana kwakupaturika. Penipo mukajitangwaniskanga ndi kupereka sembe yapa moto ku Ambuya.

ŴaLevi 23:21

Ndipo zuŵa lenilo mukamemezanga ungano wakupaturika; kuti mukachitanga nchitu yanthazi cha. Ili ndilangulu muyaya mu malo ghinu ghakujamo mu migonezi yinu yose.

Chituwa 20:10

Kweni zuŵa la chinkhonde ndi chiŵi ndi sabata ku Ambuya Chiuta wako; mwaku lo kuti uchitiyengemo mlimu we wose cha; iwe pamwenga mwana wako munthurumi, pamwenga mwana wako munthukazi, pamwenga wanchitu wako munthurumi, pamwenga wachitu wako munthukazi, pamwenga ng'ombe yako, pamwenga mlendo wakuja ndi iwe;

Chituwa 16:29

Wonani! Ambuya akupaskani Sabata lo, chifukwa cho pa zuŵa la chinkhonde ndi chimoza atukupaskani chiŵandi cha mazuŵa ghaŵi; we yose waku imwe waje mu malo ghake, paulevi munthu watuwepo pa zuŵa la chinkhonde ndi chiŵi.”

Chituwa 16:5

Pa zuŵa la chinkhonde ndi chimoza asani ŵarongoso vyo ŵaza navyo, vikaŵanga vya paŵi vya zuŵa limoza.”

Yohane 19:31

Viyo, pakuti lenga la Chirongoso, alinga kuti mathupi ghareke kutandara pa mphinjika pa sabata (pakuti zuŵa la sabata lenga zuŵa likuru) ŵaYuda ŵangufumba Pilato kuti marundi ghawo ghafyoleke, ndi kuti mathupi ghabuzgikepo.

Chituwa 34:18

“Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Marangu 16:8

Mu mazuŵa ghankhonde ndi limoza mukarghanga chiŵande chambura mtupu ndipo pa zuŵa la chinkhonde ndi chiŵi kukaŵanga ungano wakupaturika wa Ambuya Chiuta winu; mungachitanga mlimu cha mwaku lo.

Yesaya 1:13

Mungatonga so mipasku yaŵakaŵaka cha, vyachema mbu kazuzi kwangu. Mwezi ufya ndi sabata ndi kudana maunganu kuti ndingakunthiyapo mauheni ndi maunganu cha.

Maŵerengedu 28:26

“Pa zuŵa la vipasi vyakudanga, po mupereka mpasku wa ufwa wa mbeu yifya ku Ambuya pa madghera ghinu gha masabata, mukaŵanga ndi unganu wakupaturika; mungachitanga nchitu ya mazuŵa ghose cha.