Chituwa 12:15 - Tonga Bible 1986

¹⁵ Mazuŵa ghankhonde ndi ghaŵi mukarghanga chiŵande chambura mtupu; pa zuŵa lakudanga mukatuzgangamo mtupu mu nyumba zinu, pakuti asani we yose wakarghanga cho ncha mtupu, kwamba zuŵa lakudanga mpaka zuŵa la chinkhonde ndi chiŵi, munthu yo wakadumulikangako kwaku Yisraele.

Chituwa 12:15 Referans Kwoze

Marangu 16:3

Mungarghanga ndi chiŵande cha mtupu cha; mu mazuŵa ghankhonde ndi ghaŵi mukarghanga ndi chiŵande chambura mtupu, chiŵande chapa nyengo ya suzgu, chifukwa mungutuwa mu charu cha Egipiti mu ruŵi. Mwakuti mu mazuŵa ghose gha umoyo winu, mukumbuke zuŵa lo mungutuwiya mu charu cha Egipiti.

Chiyambo 17:14

Munthurumi we yose wambura kuchinjika yo walivi kuchinjika mu nyama yake ya kusongo wakadumulikangako ku khamu lake; waswa phanganu langu.”

Maŵerengedu 9:13

Kweni munthu yo ngwakuphotoka ndipo kuti we pa ulendo cha, asani wareka kuchita phaska, munthu wa viyo wadumulikeko ku ŵanthu ŵake, chifukwa walivi kuchitiya phaska Ambuya pa nyengo yake yakutemeka; munthu yo wakapinganga ulakwi wake.

Chituwa 34:18

“Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Chituwa 23:15

Mukasunganga dghera la chiŵandi chambura mtupu, uli ndimo ndingukulanguliyani, mukarghanga chiŵandi chambura mtupu mazuŵa ghankhonde ndi ghaŵi panyengo yakutemeka mu mwezi wa Abibi, pakuti mwaku wo imwe mungutuwa mu Egipiti. Paulevi yumoza wakuzachiwoneka paurongo pangu manja ghaŵaka.

Marangu 16:8

Mu mazuŵa ghankhonde ndi limoza mukarghanga chiŵande chambura mtupu ndipo pa zuŵa la chinkhonde ndi chiŵi kukaŵanga ungano wakupaturika wa Ambuya Chiuta winu; mungachitanga mlimu cha mwaku lo.

Maŵerengedu 28:17

Ndipo pa zuŵa la chumi ndi ghankhonde la mwezi uwu ndi dghera; mukarghanga chiŵande chambura mtupu mazuŵa ghankhonde ndi ghaŵi.

Chituwa 34:25

“Mungapaskanga ndopa za chisopo changu pamoza ndi mtupu chingana nkhuti chisopo cha dghera la kujumphapo ŵaka lijeko mpaka mlenji.

Chituwa 12:8

Ŵakarghanga nyama ndi usiku weniwo yakocha pamoza ndi chiŵande chambura mtupu ndi munkhwani wachakuŵaŵa.

ŴaGalatia 5:12

Mphanyi kuti wo ŵati kutimbanizgani ŵangajitemuwako ndipo.

Machitidu gha Ŵakutumika 12:3

Ndipo wachiwona kuti kungukondweska ŵaYuda, wangutaruliya kumko Petro nayo. Ndipo kwenga mazuŵa gha vyambura-mtupu.

Luka 12:1

Mwaku vyenivyo, vichongerana vikwivikwi vya mzinda wo, viyo kuti ŵakandirizgananga, wangwanda kuŵanene ŵasambizi ŵake danga, “Jichenjeriyeni ndi mtupu wa ŵaFarisi wo, ŵeniwo ndi fuvyu.

Mateyu 16:12

Sono ŵanguwamo kuti, kuti waŵachenjezganga ndi mtupu wa chiŵande cha, kweni pa chisambizgu cha ŵaFarisi ndi ŵaSaduki.

Malaki 2:12

Chifukwa cha munthu wakuchita ivi, mphanyi Ambuya atuzgamo manyi ndi kaboni, pamwenga nkhoswe, pamwenga wakuza ndi sembe ku Ambuya ŵa maŵanja, mu mahema ghaku Yakobe.

Marangu 16:5

Mungabayiyanga sembe ya phaska mukati mu mizi yinu yeniyo Ambuya Chiuta winu watumupaskani;

ŴaLevi 17:14

“Pakuti umoyo wa chamoyo chose ndi ndopa zake, chifukwa cho ndaŵanene ŵaYisraele, kuti, Mungarghanga cha ndopa za chamoyo chose, pakuti umoyo wa chamoyo chose ndi ndopa zake; we yose yo wakazirghanga wakadumulikangako.

ŴaLevi 17:10

“Asani munthu wa nyumba yaku Yisraele pamwenga ya ŵalendo ŵakutandara mukati mwawo waturgha ndopa ze zose, ndikamikananga nayo munthu yo, ndipo ndikamudumuwangako ku ŵanthu ŵake.

Chituwa 31:14

Mukasunganga sabata, chifukwa ndakulanguliyani kuti ndakupaturika, we yose wakulikazuzga wakabayikanga; we yose wakuchita mlimu mwaku lo, wakadumulikangako ku ŵanthu ŵake.

Luka 2:43

ndipo po dghera lingumara ŵachiwe, Yesu, mhurwa yo, wangujariya vuli mu Yerusalemu; ndi kuti ŵanguziŵa cha ŵapapi wo;

Chituwa 30:33

We yose wakuchita ghe ghose kukozganiskana nagho pamwenga we yose yo wakaŵikanga ghanyake gha mafuta yagha pa wakubwalo wakadumulikangako ku ŵanthu ŵake.’ ”

2 Mikoka 30:21

Viyo ŵanthu ŵaku Yisraele wo ŵenga mu Yerusalemu ŵangusunga dghera la chiŵande chambura mtupu mazuŵa ghankhonde ndi ghaŵi ndi likondwa likuru, ŵaLevi ndi ŵazukuru ŵanguthamika Ambuya zuŵa ndi zuŵa, kumbiya Ambuya ndi mitima yawo yose.

Ezra 6:22

Ŵanguchita ndi chimwemwe dghera la chiŵande chambura mtupu mazuŵa ghakhonde ndi ghaŵi chifukwa Chiuta wanguŵakondweska ndi wangung'anamuriya mtima wa karonga wa Asiriya kuchiri kwawo, kukhomeska manja ghawo mu nchitu ya nyumba yaku Chiuta, Chiuta waku Yisraele.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Chituwa 30:38

We yose wakuchita chakukozgana navyo, kuvitataliya nge vya chema wakadumulikangako ku ŵanthu ŵake.”