Chituwa 12:12 - Tonga Bible 1986

¹² Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

Chituwa 12:12 Referans Kwoze

Maŵerengedu 33:4

penipo ŵaEgipiti ŵaŵikanga mu masano ŵana ŵawo ŵa umwali, wo Ambuya angubaya mukati mwa wo; ndi pa maso pa ŵachiuta ŵawo Ambuya angufiska vyeruzgu.

Chituwa 12:23

Pakuti Ambuya akaporotangamo kubaya ŵaEgipiti; ndipo ŵachizamuwona ndopa pa mugoro ndi pa nchindamiru ziŵi zapa khomo, Ambuya azamujumphapo pa khomo, ndipo kuti ŵakazomerezganga wakubaya yo kusere mu nyumba zinu cha kwachikubayani.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Ezekiele 12:16

Kweni ndikapozomoskanga ŵamanavi ŵaku iwo ku lipanga, ku Chilala ndi ku chiwowota, alinga kuti ŵasumuwe maunyakazi ghawo ghose mukati mu mitundu ko ŵaruta, ndipo ŵaziŵe kuti ine ndine Ambuya.”

Yeremiya 43:13

Wazamkuswa mya ya Heleopole yo ye mu charu cha Egipiti, ndi wazamukocha ndi moto nyumba za ŵachiuta ŵa Egipiti.’ ”

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Sumu 82:6

Ine ndinguti, “Ndimwe ŵachiuta, mose imwe, mwe ŵana ŵa Wapachanya Limu;

Sumu 82:1

Chiuta waja mu ungano wa ŵakuchanya; mukati mu ŵachiuta wapaska cheruzgu;

Chituwa 6:2

Ndipo Chiuta wanguti kwaku Mosese, “Ndine Ambuya,

Amosi 5:17

ndi mu minda yose ya mphereska mukaŵanga chitenje, chifukwa ndidumuwenge mukati mwinu,” atiti Ambuya.

1 Mikoka 14:12

Ndipo ŵangusiya ŵaChiuta ŵawo penipa. Davidi wangulangula, ndipo ŵanguwocheka.

1 Samuele 5:3

Ndipo ku mlenji ŵanguti ŵayuka ŵanthu ŵaku Ashidodi, awonani, Dagoni wawa pasi kavunama paurongo pa bokosi la Ambuya. Viyo ŵangumuyuska Dagoni ndikumuŵika so mu malo ghake.

Chituwa 22:28

“Ungatukanga Chiuta cha, chingana nkhutemba mweruzgi wa ŵanthu ŵako.

1 Samuele 6:5

Viyo mutenere kuchita vikozgo vya vitupatupa vinu ndi vikozgo vya mbeŵa zinu vyo vinanga charu, ndipo paskani unkhankhu kwaku Chiuta waku Yisraele, vinu wangatuzgako janja lake kwaku imwe ndi ku ŵachiuta ŵinu ndi charu chinu.

Chituwa 21:6

sono po mbuyaki wakayanga nayo kwaka Chiuta, ndipo wakazanga nayo ku khomo pamwanga nchindamiru ya pa khomo; ndipo mbuyake wakatoronga makutu ghake ndi zingani; ndipo wakamutataliyanga mpaka nyifwa.

Chituwa 18:11

Sono ndiziŵa kuti Ambuya mbara akuruska ŵachiuta ŵanyake wose, chifukwa angupozomoska ŵanthu wo ku magoŵa gha ŵaEgipiti, penipo ŵanguŵayuzga.”

Sumu 135:8

Mu Egipiti angubaya ŵa umwali wose, wose ŵa ŵanthu ndi ŵa nyama.

Yeremiya 43:12

Wazamkozga moto mu nyumba za ŵachiuta ŵaEgipiti: ndipo waza mukocha ndi kuŵayola ku uŵanda ndipo wazamtozga charu cha Egipiti, ulindimo mliska watozge chiphemeska chake cha vyakuruma: ndipo wazamtuwako kuwa mu chimangu.

Yeremiya 46:25

Ambuya Chiuta wa maŵanja, Chiuta waku Yisraele, wanguti: “Ehe, ndituza ndi kulanga paku Amoni waku Tebesi ndi Farao ndi Egipiti ndi ŵachiuta ŵake ndi ŵakaronga ŵake, paku Farao ndi wose ŵakugomekezga mwake.

Chituwa 9:6

Ndipo ndi mlenji Ambuya anguchita chinthu ichi; ng'ombe zose za ŵaEgipiti zingufwa, kweni pa ng'ombe za ŵaYisraele pengavi kufwapo nanga njimoza.

Sumu 91:7

Ŵakuwiyenge ŵanthu chikwi, vikwi chumi ŵakuzingirizgenge, kweni kuti ukapwetekekanga cha.

Sumu 95:3

Pakuti Ambuya ndi Chiuta mukuru, ndi karonga wanthazi pa ŵachiuta wose.