Chituwa 11:2 - Tonga Bible 1986

² Sono kamba ku ŵanthu, kuti ŵapemphane munthurumi we yose ndi mzengezgani wake, munthukazi we yose ndi mzengezgani wake, vijewere vya siliva ndi vya golide”.

Chituwa 11:2 Referans Kwoze

Chituwa 3:22

kweni munthukazi we yose, wakapemphanga mzengezgani wake, ndi mweniyo ngwakutandara mu nyumba yake, vyuma vya siliva ndi vya golide, ndi vyakuvwara, ndipo mukavivwarikanga ŵana ŵinu ŵanthurumi ndi ŵana ŵinu ŵanthukazi; viyo ndimo muŵaskowiyenge ŵaEgipiti.”

Mateyu 20:15

Asi kuyiyamu ine kuchita cho ndikhumba pa vyaku ndamweni? Pamwenga vinu uchita sanji chifukwa nde wamampha ine?’

Hagayi 2:8

Siliva ndangu, ndi golide ndangu, atiti Ambuya ŵa maŵanja.

Nthanthi 13:22

Munthu wamampha wasiya chihara ku ŵazuku ŵake, kweni uromba wa muheni uwunjikikiya murunji.

Sumu 105:37

Penipo angutuzga ŵaYisraele, ŵangupinga siliva ndi golide, ndipo wose ŵenga ŵa umoyo wamampha ndi ŵanthazi.

Sumu 24:1

Nchaku Chiuta charu chapasi ndi uzari wake, charu ndi wo ŵajamo;

Chituwa 35:22

Viyo ŵanguza, ŵanthurumi ndi ŵanthukazi so: wose ŵeniwo ŵenga ŵa mtima wakukhumba, ŵanguza ndi ŵaphini, ndi ndeŵereŵi, ndi mphete zakudikizgiya, ndi makoza, vinthu vyose vyakusiyanasiyana vya golide, munthu we yose wangupaturiya mpasku wa golide ku Ambuya.

Chituwa 32:24

Ndipo ine ndinguti kwaku iwo, ‘We yose yo wendi golide wazuwe’; viyo ŵangundipaska lo, ndingulipong'a mu moto, ndipo muwa mungutuwa thole la ng'ombe ili.”

Chiyambo 31:9

Viyo ndimu Chiuta wakwamphuliya ng'ombe za auskemwe, ndi wapaska ine.

Chiyambo 24:53

Ndipo muŵanda yo wangutuzga vigwenjere vya siliva ndi golide ndi vyakuvwala, ndi wanguvipaska kwaku Rebeka: wangupaska so ku mzichi wake ndi ku anyina vyakuzganga vya mitengo yikuru.

Chituwa 3:21

Ndipo ndikapaskanga khamu lo wezi mu maso gha ŵaEgipiti; ndipo muchiruta, kuti mukarutanga ŵakavu cha,