Chituwa 11:1 - Tonga Bible 1986

¹ Ambuya anguti kwaku Mosese, “Kwaja childeru chimoza cho ndikatoliyanga paku Farao ndi pa Egipiti; pavuli paku cho wakakuzomerezganinga kutuwamo muno; wachikuzomerezgani kuruta wakakudikiyaninga limu.

Chituwa 11:1 Referans Kwoze

ŴaLevi 26:21

“Viyo asani mwendenge kwakupambana nane, ndipo kuti mukandivwiyanga cha, ndikatolenga videru vinyake paku imwe kusazgapo kankhonde ndi kaŵi kuruska unandi wa maulakwi ghinu.

Chiyambo 15:14

Kweni ndazamtole cheruzgu pa mtundu wo ŵakatataliyanga, ndipo pavuli ŵazamtuwamo ndi usambasi unandi.

Chituwa 9:14

Pakuti nyengo yino yasono ndikatumanga videru vyangu vyose pa mtima wako, ndi pa ŵateŵeti ŵako ndi ŵanthu ŵako, alinga kuti muziŵe kuti kulivi nanga njumoza wakulingana ndi ine mu charu chose chapasi.

Chituwa 3:20

Viyo ndikatambaruwanga janja langu ndi kukoso Egipiti ndi vya minthondwi vyose vyenivyo ndikachitanga mukati mwake, pavuli paku vyo wakamuzomerezganinga kuruta.

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.

Jobu 10:17

munozga so ŵakaboni ŵinu kundisuska, ndi kukuzga ukari winu paku ine, mutuza ndi maliŵanja gha nkhondo kumikana nani.

1 Samuele 6:4

Ndipo ŵanthu ŵanguti, “Ndimpasku uli wapa ulakwi wo tingamuwezge?” Iwo ŵangwamuka, “Vitupatupa vya golide ndi mbeŵa zinkhonde, kwakuyana ndi unandi wa mafumu gha ŵaFilisti, chifukwa chideru chakuyana ŵaka chenga paku imwe mose ndi pa mafumu ghinu.

Chituwa 6:1

Kweni Ambuya anguti kwaku Mosese, “Sono ukawonanga chenicho ndikachitanga kwaku Farao pakuti ndi nthazi wakaŵatuzganga, inya ndi nthazi wakaŵadikiskanga mu charu chake.”

Chituwa 12:29

Ndi usiku pakati Ambuya angukoso ŵaumwali wose mu charu cha Egipiti, kwamba ku waumwali waku Farao yo wajanga pa chitengo chake cha ufumu, kwachifika ku waumwali wa wakukoreka yo wenga mu zenje la ukayidi, ndi ŵaumwali wose ŵa ng'ombe.