Chituwa 10:9 - Tonga Bible 1986

⁹ Ndipo Mosese wanguti, “Tikarutanga ndi ŵana ŵidu ndi makhongwe ghidu: tikarutanga ndi ŵana ŵidu ŵanthurumi ndi ŵanthukazi, ndipo ndi mberere zidu ndi ng'ombe zidu, chifukwa titenere kwachichitiya dghera Ambuya.”

Chituwa 10:9 Referans Kwoze

Chituwa 5:1

Pavuli Mosese ndi Aroni ŵanguruta kwaku Farao, ndi ŵanguti, “Atiti viyo Ambuya, Chiuta waku Yisraele, ‘Zomerezga ŵanthu ŵangu kuti ŵarute alinga ŵandichitiye dghera mu bozwa.’ ”

Chituwa 3:18

Ŵamutegherezga ku mazu ghako; ndipo iwe ndi ŵaraŵara ŵa ŵaYisraele mwamuruta ku karonga wa Egipiti; mwamukuti kwaku iyo, ‘Ambuya, Chiuta wa ŵaHebere wakumana nafwe; ndipo sono, titukupempha, utizomerezge kuruta lwendo la mazuŵa ghatatu kuya ku bozwa, alinga tikachite chisopo ku Ambuya Chiuta widu.’

ŴaEfeso 6:4

Ndipo mwaŵauskeu, mungakaralizga ŵana ŵinu cha, kweni muŵalere mu kulanga ndi kuchichizga kwa Mbuya.

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Nthanthi 3:9

Tumbikanga Ambuya ndi chuma chako ndi vipasi vyakudanga vya vyakurgha vyako vyose;

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Maŵerengedu 29:12

“Pa zuŵa la chumi ndi ghankhonde ndi la mwezi wa chinkhonde ndi chiŵi mukaŵanga ndi unganu wakupaturika; mureke kuchita nchitu ya mazuŵa ghose, ndipo mukaŵanga ndi dghera mazuŵa ghankhonde ndi ghaŵi ku Ambuya;

Chituwa 13:6

Mazuŵa ghankhonde ndi ghaŵi mukarghanga chiŵande chambura mtupu, ndipo pa zuŵa la chinkhonde ndi chiŵi kukaŵanga dghera laku Ambuya.

Chituwa 5:3

Sono iwo ŵanguti, “Chiuta wa ŵaHebere wakumana nafwe. Timupemphani tirekeni tirutenge lwendo la mazuŵa ghatatu kuja mu bozwa, ndi kwachisopa Ambuya Chiuta widu, kopa kuti wangaza paku ifwe ndi chideru pamwenga ndi lipanga.”

Chiyambo 50:8

ndi so ŵa nyumba yaku Yosefe, ŵana ŵanyake, ndi ŵa nyumba ya awiske; ŵana ŵawo pe, mberere zawo ndi ng'ombe zawo vingusiyika mu charu cha Gosheni.

Chituwa 10:10

Ndipo wanguti kwaku wo “Ambuya ŵaŵe namwe, kuti ndikakuzomerezganinge nadi imwe ndi ŵana ŵinu kuruta cha! Nadi, mwendi kafukwa kaheni mu maghanaghanu ghinu.

Chituwa 10:26

Titinere kuruta ndi ng'ombe zidu viyo, kujako kanthu cha, nanga nchiŵeto chimoza, chifukwa titenere kwachipereka nge ndi nsembe ku Ambuya Chiuta widu ndipo kuti tiziŵa cha nchine cho titenere kumutataliya nacho mpaka penipo tafika kuwa.”

Chituwa 12:32

Toni viŵetu vinu, ndi miskambu yinu, uli ndimo mukunene, ndi mutuwemo, ndi munditumbike so nane.”

Chituwa 12:37

Ndipo Yisraele wangwenda lwendo kutuwa ku Ramasese kuya ku Sukoto, akhumba ŵanthurumi vikwi machumi pe chumi ghankhonde ndi limoza (600,000) ŵakwenda pasi ndi ŵanthukazi ndi ŵana so.

Chituwa 12:38

Ŵanthu ŵamitundu yinyake nawo so wanguruta nawo, ndi ng'ombe zinandi ukongwa, vyose viŵetu ndi miskambu.