Chituwa 10:7 - Tonga Bible 1986

⁷ Ndipo ŵaŵanda ŵaku Farao wanguti kwaku iyo, “Mpaka zuŵanji uyu munthu wakatiŵiyanga chiŵana ifwe? Muŵazomerezge yaŵa ŵanthu ŵarutenge, alinga ŵakatataliyenge Ambuya Chiuta wawo; kumbi ndasono undaziŵe kuti Egipiti wanangika?”

Chituwa 10:7 Referans Kwoze

1 Samuele 18:21

Sauli wangughanaghana, “Ndimupaske alinga waŵe nge nchiŵana kwaku iyo, ndi kuti janja la ŵaFilisti limikanenge nayo.” Mwaku ichi Sauli wangukamba nayo so kachiŵi Davidi, “Ukaŵanga mkosano wangu.”

Wakutaula 7:26

Ndipo ndingusaniya chinthu chakuŵaŵa ukongwa kuruska nyifwa, ndi munthukazi yo mtima wake ndi viŵana ndi mikwau, mweniyo manja ghake ndi unyoro; yo wakondweska Chiuta wapozomokenge kwaku iyo, kweni wakulakwa watoreka ndi iyo.

Yoswa 23:13

ziŵani kwa kuneneska kuti Ambuya Chiuta winu kuti wakalutiriyanga cha kudikiska mitundu iyi paurongo pinu; kweni wakaŵanga chikhwiriki ndi chiŵana kwaku imwe, likhwechu mu mbaghara zinu, ndi minga mu maso ghinu, mpaka po mwasisitika kutuwamo mu charu chamampha ichi cho Ambuya Chiuta winu wakupaskani imwe.

Chituwa 23:33

Kuti ŵakajanga mu charu chinu cha, vinu ŵangamulakwiskani kwaku ine; pakuti asani mukatataliyanga ŵachiuta ŵawo kwakuneneska chikaŵanga chiŵana kwinu.”

1 ŴaKorinte 7:35

Ndipo chenichi ndikambiya ku wanduzi waku mwaŵeni; alinga kuti ndikuŵikiyeni chikhwiriki cha, kweni ndovyeko kwaku cho nchamarumbika, ndi kuti Ambuya kwambura nthangwatangwa.

Zefaniya 1:18

Chingana ndi siliva pamwenga golide wawo kuti viŵenge ndi nthazi cha kuŵataska mu zuŵa la ukari wa Ambuya. Mu moto wa ukari wa sanji yawo, charu chose chifyenge; ndipo amarizgenge ruŵiruŵi wose wo ŵaja mu charu.

Yeremiya 51:8

Kwa mabuchibuchi Babiloni wawa, wafyoka; mutenjeliyeni! Toni munkhwala wakuchizga urwirwi wake; kokuli vinu wangachira.

Yeremiya 48:4

Moabu wapasulika; kuliya kuvwika mpaka ku Zoara.

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?

Yesaya 14:20

Kuti ukasazgikananga nawo cha mukaŵikidu, chifukwa waparghang'a charu chako, wabaya ŵanthu ŵako. “Mphanyi mphapu za ŵakuchita uheni warekeka kuzumbulika so!

Nthanthi 29:6

Munthu wamphulupulu ngwakuthyika ndi utimbanizi wake, kweni munthu murunji watumba ndi wakondwa.

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.

Chituwa 7:5

Ndipo ŵaEgipiti ŵakaziŵanga kuti ndine Ambuya, ndichirongo nthazi zangu pa Egipiti ndi kutuzga ŵanthu ŵangu ŵaYisraele mukati mwawo.”

Chituwa 12:33

Ndipo ŵaEgipiti ŵangukankhamika ndi ŵanthu yaŵa kuŵatuzga mu charu mwaruŵiruŵi, pakuti ŵanguti, “Ifwe tose te ŵanthu ŵakufwa.”

1 Samuele 5:11

Pa chifukwa ichi ŵangutuma ndipo ŵanguwungana pamoza mafumu ghose gha ŵaFilisti, ŵanguti, “Tuzganipo bokosi laku Chiuta waku Yisraele, liwezgeke ku malo ghake, mwakuti lireke kutibaya ifwe ndi ŵanthu ŵidu.” Pakuti kunguŵa suzgu yikuru ya nyifwa mu msumba wose. Janja laku Chiuta lingumikana nawo ukongwa;