Chituwa 10:23 - Tonga Bible 1986

²³ ŵengavi kuwonana yumoza ndi munyake nanga nkhuti yumoza wasokepo pa malo ghake kwa mazuŵa ghatatu; kweni ŵaYisraele wose ŵenga ndi ukweru mo ŵajanga.

Chituwa 10:23 Referans Kwoze

Chituwa 8:22

Kweni mu zuwa lo ndikapatuskiyanga paku chija charu cha Gosheni, mwenimo muja ŵanthu ŵangu, muwulengevi milembwe ya nyezi muwa; alinga kuti uziŵe kuti Ndine Ambuya mukati mu charu chapasi.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Yesaya 42:16

Ndipo ndikarongozganga ŵachiburumutiya mu nthowa yo ŵalivi kuyiziŵa, mu tunthowa to ŵalivi kutuziŵa kale ndikaŵarongozganga. Ndikasanduskanga mdima wa paurongo pa wo kuŵa ukweru, malo ghavibokuboku kuŵa ghakunyoroka. Ivi vinthu ndi vyo nkhachitanga, kuti nkhavirekanga cha.

Chituwa 9:4

Kweni Ambuya akachitanga mupambanu pakati pa ng'ombe za ŵaYisraele ndi ng'ombe za ŵaEgipiti, viyo kuti chikafwanga nanga nchimoza cha paku vyose vya ŵaYisraele.” ’ ”

ŴaKolose 1:13

Ndiyo wangutitaska ku mtufu wa mdima, ndipo wangutisamiskiya ku ufumu wa mwana wake wakwanjiwa;

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

Yoswa 24:7

Ndipo po ŵanguti ŵabongole Ambuya anguŵika mdima pakati paku imwe ndi ŵaEgipiti, ndi kuchita nyanja kuza paku wo ndi kuwaburumutizga; ndipo maso ghinu ghanguwona cho ndinguchita kwaku Egipiti; munguja mu bozwa nyengo yitali.

Chituwa 14:20

Kuza pakati pa liŵanja la ŵaEgipiti ndi liŵanja la ŵaYisraele. Ndipo penga mtambo ndi mdima; ndipo usiku ungukapo wambura liŵanja limoza kuŵandika pafupi pa linyake usiku wose.

Chituwa 9:26

Kweni mu charu cha Gosheni pe mo mwenga ŵaYisraele, mwengavi vuwa ya matalala.

Amosi 4:7

“Ndipo so ndakunorani vuwa, po yingujako mwezi yitatu kufika ku vuna, ndingutuma vuwa pa msumba umoza ndipo ndengavi kutuma vuwa pa msumba unyake; yingung'a pa munda umoza, ndipo munda wo yingureka kung'apo ungufota;

Chituwa 7:25

Ghangukapo mazuŵa ghankhonde ndi ghaŵi Ambuya ati apuma maji gha Nile.

Chituwa 8:18

Ŵakuwukwa ŵangwesa ndi mayera ghawo kuti ŵatuzgi viphanga, ŵangutondeka. Viyo kwenga viphanga pa munthu ndi nyama.

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.