Chituwa 10:16 - Tonga Bible 1986

¹⁶ Sono Farao wangudana Mosese ndi Aroni kwaruŵiruŵi, ndi wanguti, “Ndalakwiya Ambuya Chiuta winu, ndi imwe so.

Chituwa 10:16 Referans Kwoze

Chituwa 9:27

Sono Farao wangutuma nthumi kwachidana Mosese ndi Aroni, ndi wanguti kwaku wo, “Ndalakwa nyengo yino, Ambuya mbarunji ndipo ine ndi ŵanthu ŵangu te ŵakwananga.

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

2 Samuele 19:20

Pakuti mteŵeti winu waziŵa kuti ndikwananga; mwa chifukwa ichi, awonani, ndaza pa zuŵa ili kuŵa wakwamba mu ŵanyumba yose yaku Yosefe, kuza kuzachikumana ndi mbuyangu karonga.”

1 Samuele 26:21

Sauli wanguti, “Ndananga; weko, mwana wangu Davidi, pakuti, kuti ndikuchitiyenge so uheni cha, chifukwa zuŵa linu wazirwa umoyo wangu mu maso ghako; awona, ndachita kwakupusa, ndipo ndananga ukongwa.”

1 Samuele 15:30

Sauli wanguti, “Ndalakwa; kweni ndipuuli ndichitiyeni ulemu paurongo pa ŵara ŵa ŵanthu ŵangu ndi paurongo paku Yisraele, muŵe pamoza nane, mwakuti ndikasope Ambuya Chiuta winu.”

1 Samuele 15:24

Sauli wangunena ndi Samuele, “Ndalakwa; pakuti ndajumpha dangu la Ambuya ndi mazu ghinu, chifukwa ndingopa ŵanthu ndinguvwiya mazu ghawo.

Maŵerengedu 22:34

Ndipo Balamu wangunena ndi mungelo wa Ambuya, “Ndalakwa, pakuti ndengavi kuziŵa kuti imwe munguma mu nthowa kumikana nane. Viyo sono, asani mbukazuzi mu maso ghinu, ndiweriyenge kuvuli.”

Maŵerengedu 21:7

Ŵanthu ŵanguza kwaku Mosese ŵanguti, “Talakwa pakuti tarongoro kwakumikana ndi Chiuta ndi imwe; rombani ku Ambuya, kuti atuzgeko kwidu njoka zo.” Viyo Mosese wanguŵarombe ŵanthu.

Chituwa 8:8

Sono Farao wangudana Mosese ndi Aroni, ndi wanguti, “Ŵeyereni Ambuya kuti ŵatuzgepo ŵamchuwa paku ine ndi pa ŵanthu ŵangu; ndipo ndikaŵazomerezganga ŵanthu kuruta kwachisopa Ambuya.”

Chituwa 8:25

Sono Farao wangudana Mosese ndi Aroni, ndi wanguti, “Rutaninga kwaku Chiuta winu mukati mu charu ichi.”

2 Samuele 24:10

Kweni mtima waku Davidi ungulasika pavuli pakuŵerenga ŵanthu. Ndipo Davidi wanguti ku Ambuya, “Ndalakwa ukongwa mwaku ichi ndachita. Kweni sono Ambuya ndimupemphani, tuzgani uheni waku ndamteŵeti winu; pakuti ndachita kwakupusa ukongwa.”

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”