Chituwa 10:15 - Tonga Bible 1986

¹⁵ Pakuti ŵanguburumutizga charu chose, ndipo charu chenga cha mdima bi ndipo ŵangurgha vyakume vyose mu charu chiya, ndi vipasi vyose vyamu miti vyeniyo matalala ghangusiya; palivi kaŵisi nanga nkhamoza kangujako, chingana ndi muti pamwenga chakupanda mu munda, mu charu chose cha Egipiti.

Chituwa 10:15 Referans Kwoze

Chituwa 10:5

ndipo ŵakaburumutizganga charu chose, mwakuti paulengevi yumoza wangawona charu; ndipo ŵakarghanga vyo vingumujariyanipo pavuli pa matalala, ndipo ŵakarghanga muti wako we wose weniwo ngwakume mu munda,

Yoele 2:25

Ndimuwezgiyeninge virimika vyo zombe wangurgha, ŵaphanana, matondo, ndi viwungu, nkhondo yangu yikuru yo ndingutuma mukati mwinu.

Sumu 78:46

Wangutuma kapuchi kurgha vyakurgha vyawo, ndi ŵaphanana kuparghang'a minda yawo.

Chituwa 10:12

Sono Ambuya anguti kwaku Mosese, “Tambaruliya janja lako pa charu cha Egipiti chifukwa cha ŵazombe alinga kuti ŵaze pa charu cha Egipiti, ndi kurgha chakume chose mu charu, chose cho chingusiyika ndi matalala.”

Amosi 7:2

Ndipo po zombe wangumara kurgha uteka wa charu, ndinguti, “Ambuya Chiuta, gowokani, ndi kuŵeyani! Kumbi Yakobe wangama uli? Ndimumana limu!”

Maŵerengedu 22:5

wangutuma mathenga kwaku Datani mwana waku Beori ku Petori, wo we pafupi ndi msinji mu charu cha Amawa kwachimudana, kuti, “Awona ŵanthu ŵakutuliya ku Egipiti ŵafika; ŵavimba charu chose, ndipo ŵaja kwakuthowezgana nane.

Nthanthi 30:27

ŵazombe ŵalivi karonga, kweni wose ŵatenda mwakuyana;

Yoele 1:4

Cho chasiyika ndi chiungu, charghika ndi zombe. Cho chasiyika ndi zombe, charghika ndi ŵaphanana. Cho chasiyika ndi ŵaphanana, charghika ndi matondo.