Chituwa 1:7 - Tonga Bible 1986

⁷ Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Chituwa 1:7 Referans Kwoze

Chiyambo 46:3

Viyo wanguti, “Ndine Chiuta, Chiuta wa ausu; ungopanga cha kusikiya ku Egipiti; pakuti kwenikuwa ndakukuchita mtundu ukuru.

Marangu 26:5

“Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.

Chiyambo 1:28

Ndipo Chiuta wanguŵatumbika, ndi wanguti kwaku wo, “Papanane ndi mwandane, ndi muzaze charu ndi muchithereske, ndipo muŵe ndi mtufu pa somba zamu nyanja, ndi pa viyuni vya mude, ndi pa chamoyo chose cho chitenda pa charu chapasi.”

Chiyambo 47:27

Viyo Yisraele wanguja mu charu cha Egipiti mu charu cha Gosheni, ndipo wangusaniya vihara mwenimuwa, ndipo ŵangupapana ndi ŵangwandana kwakurutizga.

Chiyambo 35:11

Ndipo Chiuta wanguti kwaku iyo, “Ndine Chiuta wanthazizose: upapane ndiwandane; mtundu ndi mpingu wa mitundu ukatuwanga mwako, ndipo ŵakaronga ŵakatuwanga mwako.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 9:1

Ndipo Chiuta wangutumbika Nowa ndi ŵana ŵake ŵanthurumi ndipo wanguti kwaku iwo, “Papanane ndi mwandane ndi muzaze charu.

Nehemiya 9:23

Mungwandaniska mphapu zawo uli ndi nyenyezi za kuchanya, ndipo munguŵatole mu charu chenicho mungunene auskeu kwachiseremo ndi kuchihara.

Marangu 10:22

Auskemwe auguzikiya ku Egipiti, ŵanthu machumi ghankhonde ndi ghaŵi (70), ndipo sono Ambuya chiuta winu wakwandaniskani nge ndi nyenyezi za kuchanya.

Chiyambo 48:4

ndipo wanguti kwangu, ‘Ehe, ndikakupaskanga mphapu, ndi kukwandaniska, ndipo ndikakuchitanga makhamu gha ŵanthu, ndipo ndikapaskanga charu ichi ku mphapu yako ya pavuli pako kuŵa chihara cha muyaya.’

Chiyambo 17:16

Ndipo ndikamutumbikanga, ndipo so ndikakupaskanga mwana munthurumi mwaku iyo, ndikamutumbikanga ndipo wakaŵanga nyina wa mitundu; ŵakaronga ŵa makhamu ŵakatuwanga mwake.”

Sumu 105:24

Ambuya angwandaniska ukongwa khamu lawo, ndipo anguŵakhomeska kwakuruska ŵarwani ŵawo.

Chiyambo 28:14

ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Chiyambo 13:16

Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 1:20

Ndipo Chiuta wanguti, “Mu maji muŵe vyakutapata vyamoyo, ndipo viyuni viphururuke pachanya pa charu chapasi mude pachanya pa mtambo.”

Chituwa 12:37

Ndipo Yisraele wangwenda lwendo kutuwa ku Ramasese kuya ku Sukoto, akhumba ŵanthurumi vikwi machumi pe chumi ghankhonde ndi limoza (600,000) ŵakwenda pasi ndi ŵanthukazi ndi ŵana so.

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Chiyambo 15:5

Ndipo wangumutuzgiya kubwalo ndi wanguti, “Lereska kuchanya, ndi uŵerenge nyenyezi zo, asani ungaziŵa kuziŵerenga.” Sono wanguti kwaku iyo, “Viyo ndimu yikaŵiyanga mphapu yako.”

Machitidu gha Ŵakutumika 13:17

Chiuta wa khamu lenili Yisraele, wangusankha auskefwe, ndi wangulitumphuska khamu lo mu chitandara cho chamu Egipiti, ndipo ndi janja lakutumphulika wanguŵatuzga mwenimo.

Chiyambo 26:22

Ndipo wangusamapo pa ndi ŵangukumba chisima chinyake, ndipo paku chiya kuti ŵangubayana cha; viyo wanguchidana zina Rehoboti, kunena kuti, “Pakuti sono Ambuya atichitiya malo ifwe, ndipo tikaŵanga ŵakwandana mu charu ichi.”

Chituwa 1:12

Kweni mo ŵaŵasuzgiyanga ukongwa ndimo ŵarutizgiyanga kwandana, ndi ŵarutizgiyanga kuzaza charu. Ndipo ŵaEgipiti ŵangutenthema ŵaYisraele.

Chituwa 5:5

Ndipo Farao wanguti, “Awonani, ŵanthu ŵamu charu ichi sono mbanandi ndipo imwe mutiŵapumuzga ku nchitu zawo!”

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.

Ezekiele 16:7

ukuwenge nge ndi mbeu yamu munda.’ Ndipo ungukuwa unguŵa mutali mpaka ungufika pa umwali weneko; maŵe unguŵa nagho, sisi lako lingukuwa; kweni ndi kweni wenga nkhuli ndi wambura kuvwara.