Chituwa 1:17 - Tonga Bible 1986

¹⁷ Kweni ŵazamba wo ŵawopanga Chiuta. Ndipo kuti ŵanguchita nge ndimo wanguŵalanguliya karonga wa Egipiti cha. Kweni ŵanguŵareka ŵamoyo ŵana ŵanthurumi.

Chituwa 1:17 Referans Kwoze

Machitidu gha Ŵakutumika 5:29

Kweni Petro ndi ŵakutumika ŵangwamuka, ndipo ŵanguti, “Kutenere kuvwiya Chiuta kwakuruska munthu.

Chituwa 1:21

Ndipo chifukwa ŵazamba ŵangopa Chiuta wanguŵapaska ŵana.

Luka 12:5

Kweni ndazamrongo imwe yo mopenge: mopeni yo ngwakuŵa ndi mtufu, wati wabaya, kupong'amu mu Gehena; nadi, ndikuneniyani, mopeni mweniyo.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Danyele 6:13

Ndipo wangwamuka paurongo pa karonga wanguti, “Danyele yo njumoza wa ŵamikoli ŵaku Yuda kuti watukuphwereni cha imwe karonga, pamwenga dangu lo mukusayinda, wasopa katatu pa zuŵa.”

Nthanthi 16:6

Pakujithereska ndi kugomekezgeka mphulupulu yilipika, ndi so ndi kopa Ambuya munthu wareka uheni.

Wakutaula 8:12

Nanga mulakwi wachita uheni unandi limu ndi kuŵa ndi umoyo utali, ndipuuli ndiziŵa kuti ŵakopa Chiuta kukaŵaŵiyanga umampha, chifukwa ŵatopa pa maso pake;

Sumu 31:19

A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

Hoseya 5:11

Efraimu wasuzgika ndi kupwetekeka mu cheruzgu, chifukwa wanguŵika mtima wake pa vyaŵakaŵaka.

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Chiyambo 20:11

Abrahamu wanguti, “Ndinguchichita chifukwa ndingughanaghana kuti, ‘Mulivi kopa Chiuta chingana nkhamanavi mu malo yagha, ndipo ŵakandibayanga chifukwa cha muwoli wangu.’

Chituwa 1:18

Viyo karonga wa Egipiti wangudana ŵazamba wo, ndi wanguti kwaku wo, “Chifukwa chine mwachita ichi, ndipo mwazomerezga ŵana ŵanthurumi kuŵa ŵamoyo?”

1 Samuele 22:17

Ndipo karonga wangunene mlinda wankhondo yo wanguma pafupi nayo. “Ng'anamuka baya ŵazukuru ŵa Ambuya! Chifukwa janja lawo nalo le pamoza ndi Davidi, ŵanguziŵa kuti wathaŵa, kuti ŵangundikambiya cha.” Kweni ŵateŵeti ŵa karonga kuti ŵangukhumba kunyoroska janja lawo kubaya ŵazukuru ŵa Ambuya cha.

2 Samuele 24:4

Kweni mazu gha karonga ghangumuruska Yoabu ndi zinduna za nkhondo, viyo Yoabu ndi zinduna za nkhondo wangutuwa pa maso pa karonga kwachiŵerenga ŵaYisraele.

Estere 3:3

Kweni Mordikayi kuti wangukotama chingana nkhumlambiya cha. Viyo ŵateŵeti ŵakaronga wo ŵenga mu likomo la karonga ŵangunena ndi Mordikayi, kuti, “Kumbi ulekiyanji kuvwiya dangu la karonga?”