Chituwa 1:11 - Tonga Bible 1986

¹¹ Viyo angumika nduna za ŵanchitu paku wo, ŵakuŵasuzga ndi mphingu zizitu. Ndipo ŵangumuzenge Farao mizi ya nyumba za mbiku, Pitomo ndi Ramsese.

Chituwa 1:11 Referans Kwoze

Chiyambo 15:13

Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Chituwa 2:11

Zuŵa limoza penipo Mosese wangukuwa, wanguruta ku ŵa mtundu wake ndi wanguwona kusuzgika kwawo; ndipo wanguwona MuEgipiti wachipuma muHebere, yumoza wa ŵamtundu wake.

Chiyambo 47:11

Sono Yosefe wangujarika awiske ndi ŵana ŵanyake ndi wanguŵapaska chihara mu charu cha Egipiti, cha nyata, mu charu cha Ramesese, uli ndimo wangulanguliya Farao.

Sumu 81:6

Ndituvwa mazu gha chilendo ghakuti: “Ndingutuzgapo katundu mzitu pa pheŵa lako; manja ghako ndingughakanizga ku kunyamuwa masokora.

Marangu 26:6

Ndipo ŵaEgipiti ŵangutichitiya nkhaza. Ŵangutisuzga, ndipo ŵangutinyekezga uŵanda uzitu.

Maŵerengedu 20:15

muziŵa mo auskefwe ŵangusikiya ku Egipiti ndipo tinguja mu Egipiti kwa nyengo yitali; ŵaEgipiti ŵangutisuzga uheni ukongwa ifwe pamoza ndi auskefwe;

Nthanthi 27:4

Chikwiya mbukari, ukari uphwanya, kweni njani wangamiya sanje?

Sumu 105:13

Ŵanguyingayinga kutuwa mu charu ichi kuya mu charu chiya, kutuwa mu ufumu uwu kuya mu ufumu uwa;

Sumu 68:13

ŵanguwoneka ulaka ndi nkhunda; ŵakubenekereka ndi siliva, wo mapapiku ghawo ghagadima ndi golide lakwengeka. Chifukwa nchine ŵanyake ŵaku imwe ŵajanga mu malikutu gha mberere?

2 Mikoka 8:4

Wanguzenga Tedimoro mu bozwa ndi misumba yose yakusungamo usambasi mu Hamati.

1 ŴaKaronga 9:19

Ndi misumba yose yakusungamo vinthuvyo Solomoni wenga navyo, ndi misumba ya magareta ghake ndi misumba ya ŵanthu ŵake ŵapa ŵakavalo, ndi chose cho Solomoni wangunweka kuzenga mu Yerusalemu, ndi mu Lebanoni, ndi mu charu chose cha ufumu wake.

Chituwa 5:15

Sono ŵakapitawi ŵa ŵaYisraele ŵanguza kwachiliya kwaku Farao, “Chifukwa chine muchita viyo ndi ŵaŵanda ŵinu?

Chituwa 1:14

ndipo ŵanguŵasuzga ukongwa, pakuŵagwiriska nchitu zizitu, kukasa dongo, ndi kuwumba ncherwa ndi mitundu yose ya nchitu zamu minda. Mu nchitu yawo yose ŵanguŵatataliska kwambura lisungu.

Chituwa 5:10

Viyo nduna za nchitu, ndi ŵakapitawo ŵa ŵanthu ŵanguruta ndi ŵanguti ku ŵanthu wo, “Farao watiti, ‘Kuti tikupaskeninge uteka cha.

2 Mikoka 16:4

Ndipo Benihadadi wanguvwiya karonga Asa, wangutuma ŵachirongozgi ŵankhondo zake kwachisosomo misumba yaku Yisraele, wangukoso Ijoni ndi Dani, ndi Abelmaimu ndi misumba yose ya zinkhokwe za vinthu vyaku Naftali.

Sumu 129:1

Yisraele sono wakambe, “Wandisuzga kutuliya ku uhurwa wangu.

Chituwa 5:8

Kweni unandi wa ncherwa zo ŵanguwumba kufika kuno kusono mukanyekezganga paku wo, mungesa kusiskako cha; pakuti mbakata; ndicho chifukwa ŵaliriya kuti, ‘Tizomerezgeni kwachipereka sembe kwaku Chiuta widu.’

Sumu 129:2

Kutuliya ku uhurwa wangu, wandisuzga, kweni kuti wandipunda cha.