Chitenje 4:9 - Tonga Bible 1986

⁹ Wo ŵangubayika ndi lipanga ŵangufwa umampha, kwakuruska ŵakubayika ndinja, ŵeniwo ŵangusuzgika chifukwa cha kusoŵa vyakurgha vyamu minda.

Chitenje 4:9 Referans Kwoze

Ezekiele 24:23

Vilemba vikaŵanga ku mitu yinu, viyato ku marundi ghinu; kuti mukatenjenga nanga nkhuliya cha, kweni mukawondanga mu kwananga kwinu ndi kutamantha yumoza ku munyake.

ŴaLevi 26:39

Ndipo ŵa mwaku imwe wo ŵakajangapo ŵakachitanga liwondi-wondi mu vyaru vya ŵarwani ŵinu chifukwa cha uheni wawo; ndi chifukwa cha mauheni gha auskeu nge ndi wo.

Ezekiele 33:10

“Iwe, mwana wa munthu, kamba ku ŵaYisraele, Imwe mukamba kuti: ‘Mamphuru ghidu ndi vyakwananga vidu vye paku ifwe, ndipo tawonda navyo liwondi-wondi; na tingaŵa uli ndi umoyo?’

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Chituwa 16:3

ndipo ŵanguti kwaku wo, “Mphanyi tingufwa ku janja la Ambuya mu charu cha Egipiti penipo tawonanga mimphika ya nyama ndi tingurgha chiŵande kwakuguta, pakuti imwe mwatitore mu bozwa ili kuzachibaya wumba wose uwu ndi nja.”

2 ŴaKaronga 25:3

Pa zuŵa la chinkhonde ndi chinayi la mwezi wa chinayi, chilala chinguŵa chikuru mu muzi mwengavi vyakurgha ku ŵanthu.

Marangu 28:51

ndipo ukarghanga ŵana ŵa ng'ombe zinu, ndi vipasi vya charu chinu, mpaka penipo mwaparghanika; weniwo kuti ukamusiyaninga kurgha, vinyu, mafuta, mwandanu wa ng'ombe zinu, pamwenga ŵana ŵa mberere zinu cha mpaka penipo wamuparghanani.

Yesaya 22:2

imwe mwazazika ndi kubongo, kuti wa chiwawa, muzi, wakujitumphuska? Ŵakubayika ŵinu kuti ŵabayika ndi lipanga cha pamwenga kufwiya mu nkhondo.

Ezekiele 4:16

Ndipo so angunena nane, “Mwana wa munthu, ehe, ndikafyonga nchirikizgu ya chiŵande mu Yerusalemu; ŵakarghanga chiŵande chakupima pa mweso ndi mantha ghakuru, ŵakamwanga maji ghakuchita kupima ndi kuzizwa.

Ezekiele 7:15

“Lipanga le kubwaro, chideru ndi chilala vye mukati, yo we mu munda watufwa ndi lipanga; ndipo yo we mu msumba nja ndi chiwowota vithwazuwa.