Chitenje 4:21 - Tonga Bible 1986

²¹ Sekere ndi kondwa iwe wa Edomu, wakuja mu charu chaku Uzu; kweni kwaku iwe nako chandi chikarutanga; ukaloŵenga ndipo ukajizuwanga kuja nkhuli.

Chitenje 4:21 Referans Kwoze

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)

Amosi 1:11

Viyo atiti Ambuya: “Chifukwa cha maulakwi ghatatu gha Edomu, ndi wachinayi, kuti nkhawezganga kulangika kwake cha; chifukwa wangudikiska mbali wake ndi lipanga, ndi kutaya lisungu lose, ukari wake unguparuwa kwambura kulekezga, ndi wangusunga ukari wake muyaya.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Sumu 137:7

Kumbukani, Ambuya, cho ŵanguchita ŵaEdomu, zuŵa lo wangutoreke Yerusalemu. Kumbukani mo ŵakambiyanga kwakurutiliya, kuti, “Pasuwani, pasuwani! Mpaka pasi pa viŵanja vyake!”

Mika 1:11

Mwende mu nthowa yinu, mwa ŵakuja mu Safiri, mu nkhuli ndi soni; wo ŵaja mu Zanana kuti ŵatuza cha; chitenje chaku Betezele nchilondenge kwaku imwe malo ghake ghakumapo.

Obadiya 1:1

Chiwona chaku Obadiya. Viyo atiti Ambuya Chiuta ndi Edomu: Tavwa makani gho ghatuliya ku Ambuya, ndipo thenga latumika mukati mu mitundu: “Yukani! tiyeni timuyukiye kurwana nayo nkhondo!”

Ezekiele 26:2

“Mwana wa munthu, Turo pakukamba gha Yerusalemu wanguti, ‘Aha! Likomo la ŵanthu lafyoka, lajurika le mwazi kwaku ine; sono ndikagutiskikanga pakuti wapasuka,’

Ezekiele 25:8

“Ambuya Chiuta atiti: Chifukwa Moabu watinge, Awonani, nyumba yaku Yuda, yayana nge ndi mitundu yose yinyake,

Ezekiele 25:6

Pakuti viyo atiti Ambuya Chiuta: Chifukwa wachitanga kumba manja, kuthiniska pasi marundi ghako, kwangara ndi kunyoza kose ko kwenga mwaku iwe pa charu chaku Yisraele,

Yeremiya 49:12

Pakuti viyo atiti Ambuya: “Asani wo ŵengavi kwenere kumwa nkhondo ndiwo ŵatumwa, kumbi iwe ukarutanga wambura kulangika? Kuti ukarutanga wambura kulangika cha, kweni utenere kumwa.

Wakutaula 11:9

Kondwanga, muyamata, mu unyamata wako ndipo mtima wako ukondwenge mu mazuŵa gha unyamata wako; yendanga mu nthowa za mtima wako ndimu kuwona kwa maso ghako. Kweni ziŵa kuti Chiuta wakutoriyenge ku cheruzgu mwaku vyose ivi.

2 Mikoka 28:19

Pakuti Ambuya angusiska Yuda chifukwa chaku Ahazi karonga waku Yisraele pakuti wanguchita vyambura kukhumbikwa mu Yuda ndi wenga wambura magomekezgeka ku Ambuya.

Chiyambo 36:28

Yaŵa mbana ŵanthurumi ŵaku Dishana: Uzi ndi Orana.

Habakuku 2:16

Wamukoreka ndi suzgu kwakuruska thumbiku. Mwanga nawi ndi yenda kwakuzendazenda! Chandi mu janja lamarghe la Ambuya chikazanga kwako, ndipo soni ziŵenge pa thumbiku la wo.

Yeremiya 49:7

Gha paku Edomu. Viyo atiti Ambuya ŵa maŵanja: “Kumbi zeru kuti zichalimu cha mu Temani? Kumbi fundu zaŵamariya ŵa zeru? Kumbi chinjeru chawo chikuzilimitiya?