Chitenje 4:2 - Tonga Bible 1986

² Ŵana ŵakuzirwa ŵa Zioni, ŵakuzirwa nge ndi golide wakwengeka, mo ŵang'anamukiya nge ndi viŵiya, nchitu ya janja la muumbi!

Chitenje 4:2 Referans Kwoze

Yesaya 30:14

ndipo kusweka kwake kwe nge nchiŵiya cha muumbi cho chaphwanyika kwambura lisungu, viyo kuti mutivimbanduka twake nanga nkhazinga kamoza kuti kangasanirikapo cha ko kangaŵa kakupariya moto pa chipa, pamwenga kuneghiyako maji pa chisima.”

Yeremiya 19:11

ndipo wamkuti kwaku iwo, ‘Viyo atiti Ambuya ŵa maŵanja: Umu ndimu ndikaswiyanga ŵanthu yaŵa ndi msumba uwu, nge ndimo munthu waswiya chiyaŵi cha muumbi, mwakuti kuti chingazindika so cha. Ŵanthu ŵakaŵikananga mu Tofeti chifukwa malo ghanyake ghakuŵikamo palive.

2 Timote 2:20

Kweni mu nyumba yikuru kuti mwe viyaŵi vya golide ndi vya siliva pe cha, kweni so vya chimuti ndi vya dongu; ndipo vinyake navyo ku ulemu, kweni vinyake ku uwura-ulemu.

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

Zekariya 9:13

Chifukwa ndamupinda Yuda, nge ndi uta wangu, Efraimu ndamuchita muvwi wake. Ndiyuskenge ŵana ŵako, Zioni, kukulimbana ndi ŵana ŵako, iwe Girisi, ndikukuchita iwe nge ndi lipanga la ngwazi.

Chitenje 5:12

Ŵana ŵa mafumu ŵati ŵapayika ndi manja ghawo; ulemu kuti ulongoreka cha ku ŵaraŵara.

Yesaya 51:18

Palivi nanga njumoza wakumurongozga mu kati mu ŵana wose wo wakupapa; palivi nanga jumoza wakumuko pa janja mu ŵana wose wo walera.

Chitenje 2:21

Mu fuvu la mu ŵagurwi mwagona ŵaŵisi ndi ŵakukota; ŵamwali ŵangu ndi ŵanyamata ŵangu ŵabayika ndi lipanga; mu zuŵa la ukari winu mwaŵabaya, kubaya kwambura lisungu.

Yeremiya 22:28

Kumbi uyu munthu Konia ngwakunyozeka, nchiŵiya chakusweka, nchiyaŵi chambura kuchiphwere munthu? Chifukwa chine iyo ndi ŵana ŵake ŵadikiskika ndi kutayikiya mu charu cho ŵalivi kuchiziŵa?

Yeremiya 19:1

Viyo atiti Ambuya, “Ruta, ukagule supa yakuumbika ya dongo, ndipo utopo ŵanyake ŵa ŵara ŵa ŵanthu ndi ŵanyake ŵa ŵara ŵa ŵazukuru,

Hoseya 8:8

Yisraele wamezeka; we mukati mu mitundu nge nchiyaŵi chaŵakaŵaka.