Chitenje 4:17 - Tonga Bible 1986

¹⁷ Maso ghidu ghatondeka talindizga chovyo nyengo yose kweni kwawaka; mu kulindizga kwidu tingulindizga, mtundu weniwo kuti unguziŵa kutaska cha.

Chitenje 4:17 Referans Kwoze

Ezekiele 29:16

Ndipo kuti wakaŵanga so chigomezgu cha nyumba yaku Yisraele cha, ichi chikaŵanga chikumbusku pa mauheni ghawo, ŵachiwere ku Egipiti kupenja chovyo. Sono ndipo ŵakaziŵanga kuti ine ndine Ambuya Chiuta.”

Yesaya 20:5

Sono ŵakazizwanga ndi kutimbanizgika chifukwa chaku Etiopia gomezgu lawo ndi Egipiti thamu lawo.

2 ŴaKaronga 24:7

Ndipo karonga wa Egipiti wengavi kuza so kutuwa ku charu chake, pakuti karonga wa Babiloni wanguto vyose vyo vyenga vya karonga wa Egipiti kwamba ku kamsinje ka Egipiti kufika ku msinji wa Efrate.

Chitenje 1:19

“Ndingudanirizga ku ŵakwanjiwa ŵangu kweni ŵangundipusika; ŵazukuru ŵangu ndi ŵaraŵara ŵangumaliya mu msumba, penipo ŵapenjanga kurgha kuwerezgamo nthazi zawo.

Chitenje 1:7

Yerusalemu wakumbuka mu mazuŵa gha suzgu yake, ndi kuŵaŵa, vinthu vyose vyakuzirwa vyenivyo vyenga vyake kutuwa ku mazuŵa ghamwaka. Penipo ŵanthu ŵake ŵanguwa mu manja gha ŵarwani, ndipo pengavi nanga njumoza kumovya, ŵarwani ŵangukondwere pake, ŵanguseka pakubwanganduka kwake.

Yeremiya 8:20

“Vuna wakapo, chifuku chamara ndipo ndasono tindataskike.”

Yeremiya 2:36

Kwa muyaya mutachikamba ndi mphwayi kusintha nthowa yinu! Mukalengeskekanga ndi Egipiti uli ndimo mungulengeskeke ndi Asiriya.

Yeremiya 2:18

Ndipo sono mutanduwapunji pakuya ku Egipiti kwachimwa maji gha mu Nile? Pamwenga mutanduwapunji pakuya ku Asiriya kwachimwa maji mu Efrate?

Yesaya 28:18

Sono phanganu linu ndi nyifwa likamaranga ndipo kuzomerezgana kwinu ndi nyifwa kuti kukaŵangapo cha; penipo likhwechu likuru lijumpha mukapumikanga nalo.

Yeremiya 2:37

Kutuwa kwenikuwa nako mukatuwangako ndi manja ghinu pa mutu, pakuti Ambuya asuska ŵeniwo imwe mutiŵagomezga, ndipo kuti mukasakatanga mwaku wo cha.

Chitenje 5:6

Tichita kuko rundi ku ŵaEgipiti ndiku Asiriya, kuti tiŵe ndi kurgha kwakuguta.