Chitenje 4:11 - Tonga Bible 1986

¹¹ Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.

Chitenje 4:11 Referans Kwoze

Ezekiele 22:31

Chifukwa cho ndapunguliya paku iwo ukari wangu; ndaŵamara ndi moto wa kukara kwangu; nthowa yawo ndayiwezge pa mitu yawo, atiti Ambuya Chiuta.”

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Chitenje 2:17

Ambuya achita cho angulongoso, afiska kufinga kwawo, uli ndimo anguteme kale ukongwa, abwanganduliya pasi kwambura lisungu; aŵakondweska ŵakupindikana ŵako, ndipo akuzga nthazi ya ŵarwani ŵinu.

Yeremiya 17:27

Kweni asani mukarekanga kundivwa ndi kureka lamulu lakuti zuŵa la sabata liŵe lakupaturika, ndi kupinga katundu kusere pa malikomo gha Yerusalemu pa zuŵa la sabata; po ndipo ndikakozganga moto mu malikomo ghake, zikafyanga nyumba za ufumu za Yerusalemu ndipo kuti ukazimwikanga cha.’ ”

Luka 21:22

Pakuti yagha ndi mazuŵa gha thayu kuti vifiskike vyose vyakulembeka.

Zekariya 1:6

Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”

Danyele 9:12

Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Chitenje 4:22

Kulanga kwa utimbanizi winu kwafiskika, mwa ŵanthu ŵa Zioni, kuti wakakusunganinga so muuŵanda cha; kweni wakalanganga mwa ŵanthu ŵaku Edomu chifukwa cha utimbanizi winu, wakavumbuwanga mauheni ghinu.

Chitenje 2:8

Ambuya angukhozga kubwanganduwa linga la msumba waku Zioni; angulipima ndi chingwe, ŵengavi kuwezga janja lawo kukubwangandu wa; anguliriska chimbumila ndi chimati, kusuzgikiya pamoza.

Yeremiya 21:14

Ndikamulanganinga kwakuyana ndi nchitu zinu, atiti Ambuya; ndikakozganga moto mu lisuwa lake, ndipo ukananganga vyose vyenivyo vikumzingiliya iyo.”

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Yeremiya 36:7

Vinu Ambuya akavwanga kuŵeyere kwawo, ndi kuti we yose wakang'anamukangako ku nthowa yake yiheni, pakuti nkhukuru kukwiya ndi kukara ko Ambuya akambiya pa ŵanthu wawo.”

Ezekiele 6:12

Yo wekutali wakafwanga ndi chiwowota; wa pafupi wakafwanga ndi lipanga; ndipo yo wasiyika ndi kusungika wakafwanga ndi nja. Umu ndimo ndikafiskiyanga ka ndundu kangu paku iwo.

Ezekiele 36:18

Viyo ndinguŵapunguliya ukari wangu chifukwa cha ndopa zo ŵangudiska, ndi chifukwa cha ŵangoza ŵawo wo ŵangukazuzga nawo charu.

Zefaniya 2:2

mwenga mundadikiskike nge ndi mwere wakuputa, wenga undamuziyeni ukari wa Ambuya, lenga lindakuziyeni zuŵa la ukari wa Ambuya.

ŴaLevi 26:28

iku ine nane ndikayendanga kwakupambana namwe ndi ukari, ndimulangeninge ndamweni kuwerezgapo kankhonde ndi kaŵi chifukwa cha maulakwi ghinu.

Yesaya 51:20

Ŵana ŵako ŵadika nthazi; ŵagona pakati pa gurwi we yose uli ndi mphala mu ukonde; ŵazazika ndi ukari wa Ambuya kuchenya kwaku Chiuta wako.

Chitenje 2:1

Ambuya mu ukari wawo ŵapong'a ŵanthu ŵaku Zioni mu mdima! Apong'a, kutuwa kuchanyakuza pa charu chapasi, kunozga kwaku Yisraele; akumbuka cha chitengo cha phazi lawo mu zuŵa la ukari wawo.

Chitenje 2:3

Adumuliya pasi mu kukara kwawo kwakofya nthazi zose za ŵaYisraele; awezgako kwaku wo janja lawo lamarghe mu maso gha ŵakupindikana nawo; awocha uli ndi moto wakukole mwaku Yakobe, kocha kuzunguliya kose.

Chitenje 2:4

Atweŵa uta wawo uli ngwamawongo, ndi janja lawo lamarghe nge ndi murwani; ndi abaya ŵanthu wose wo tithamiya mu ŵankhondo ŵamu Zioni; apunguwa ukari wawo uli ndi moto.