Chitenje 3:48 - Tonga Bible 1986

⁴⁸ maso ghangu ghapopoma masozi chifukwa chakupasuka kwa ŵanthu ŵangu.

Chitenje 3:48 Referans Kwoze

Chitenje 2:11

Maso ghangu ghajaliya kuliya pe; mzimu wangu usuzgika; mtima wangu upungulikiya mu chitima chifukwa cha kubwangandulika kwa ŵanthu ŵangu, chifukwa malitema ndi ŵana ŵalakatuka, mu miseu ya msumba wo.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Chitenje 2:18

Bongo ukongwa ku Ambuya! Msumba waku Zioni! Masozi ghajirimiye pasi nge ndi mweza msana ndi usiku! Ungajipumuzganga cha, maso ghako ghangalekezganga cha!

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 9:18

ŵatinthimike, ŵabuske chitenje paku ifwe, mwakuti maso ghidu ghapopome masozi, ndi nkhope zidu zidike maji.

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Sumu 137:1

Ku misinji yaku Babiloni, tinguja pasi ndipo tinguliya, tichikumbuka Zioni.

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.