Chitenje 3:26 - Tonga Bible 1986

²⁶ Nkhwamampha kuti munthu walindizgenge utaski wa Ambuya, chisisi.

Chitenje 3:26 Referans Kwoze

Sumu 37:7

Uje chisisi paurongo pa Ambuya, uŵalindizge kwakuzika; reka kujikweŵeska chifukwa cha wakusakata mu nthowa yake, chifukwa cha munthu wakuchita viheni!

Sumu 37:34

Lindizga Ambuya, yendanga mu nthowa yawo, ndipo akutumphuskenge kuhara charu; ukawonanga ŵachidumulika ŵaheni

Sumu 130:5

Ndilindizga Ambuya, mzimu wangu ulindizga, mu mazu ghawo ndigomekezga.

ŴaHebere 10:35

Viyo mungataya cha chigomekezgu chinu, cho che nayo mphotu yikuru.

Chiyambo 49:18

Ndilindizga utaski winu, Ambuya.

1 Petro 1:13

Chifukwa chenichi pakujichinyiya mu vionu vya vinjeru vinu, zizani ndi gomekezgiyani limu kwaumari pa wezi wo utolekiyenge kwaku imwe pa uvumbuzi waku Yesu Kristu;

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

Yesaya 30:15

Pakuti viyo atiti Ambuya Chiuta, Mtuŵa yo Yumoza waku Yisraele, “Pakuwe ndi kupumuwa mukataskikanga; mu chisisi ndi mu chigomezgu mukaŵanga nthazi yinu.”

Sumu 119:166

Ndilereze utaski winu, Ambuya, ndipo ndichita malangulu ghinu.

Sumu 119:174

Ndinweka chipozomosko chinu, Ambuya! Mu dangu linu ndisaniya chimwemwe.

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

Sumu 54:6

Ndi mpasku wa wanangwa ndiperekenge sembe kwaku imwe; ndiwongenge zina linu, Ambuya, chifukwa ndamampha.

Sumu 52:9

Ndikakuwonganinga muyaya, chifukwa mwachita ichi. Nditaulenge zina linu, pa maso gha ŵatuŵa ŵinu, chifukwa ndamampha.

Sumu 73:28

Kweni kwaku ine, awa, naku nkhuzirwa kuŵa pafupi ndi Chiuta: Mwa Ambuya Chiuta ndisaniya kuvikirika, alinga kuti nditaule nchitu zinu zose.

ŴaGalatia 4:18

Nadi nkhwakwenere kuti muchitenge chamampha nyengo zose, penipo nde namwe pamoza pe cha.

Yesaya 30:7

Pakuti chovyu cha Egipiti nchawaka ndi nchiyumu, chifukwa cho ndamudana “Rahabu yo waja pasi chisisi.”

Sumu 92:1

Nkhwamampha kupereka viwongo ku Ambuya, kukoŵere marumbu ku zina linu, mwa Ŵapachanya Limu;

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Yesaya 7:4

ndipo ukati kwaku iyo, ‘Chenje, utaka cheti, ungopanga cha, ndipo mtima wako ungalakatuka cha chifukwa cha vipandu ivi viŵi vya moto, pa kukara kwakofya kwaku Rezini ndi Siriya, pamoza ndi mwana waku Remaliya.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Chitenje 3:27

Nkhwamampha kuti munthu wanyamuwenge goli mu unyamata wake.

Chituwa 14:14

Ambuya akakurwiyaninga, ndipo imwe muje ŵaka chisisi.”

Sumu 62:2

Iyo pe ndiyo jarawi langu ndi chipozomosko changu, ndi linga langu; kuti ndisukuniskikenge weniukongwa cha.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.