Chitenje 2:7 - Tonga Bible 1986

⁷ Ambuya ayeya chigaŵa chawo cha sembe, apata malo ghawo ghakupaturika; apereka vimati vya nyumba zake za ufumu mu janja la wakupindikana; kuliya kukuru kunguchitika mu nyumba ya Ambuya, nge mpha zuŵa la dghera lakutemeka.

Chitenje 2:7 Referans Kwoze

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Amosi 2:5

Viyo nditumenge moto paku Yuda, ndi ukawochanga malinga ghaku Yerusalemu.”

Yeremiya 52:13

Ndipo wangocha nyumba ya Ambuya, ndi nyumba ya karonga, ndi nyumba zose zamu Yerusalemu; nyumba yose yikuru wangocha.

Mateyu 24:2

Kweni wakwamuka wanguŵanene, “Asi muwona vyose vyenivi? Ndikuneneskiyani, kuti usiyikengepo cha panu mwa pa mwa, wo urekenge kupong'eka pasi.”

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Ezekiele 7:24

nditonge mitundu yiheni kwakuruska kuti ŵazipoke zinyumba zawo; ndikamariskanga kujikuzga kwawo kwanthazi, ndipo malo ghawo ghatuŵa ghakakazuzgikanga.

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Chitenje 2:1

Ambuya mu ukari wawo ŵapong'a ŵanthu ŵaku Zioni mu mdima! Apong'a, kutuwa kuchanyakuza pa charu chapasi, kunozga kwaku Yisraele; akumbuka cha chitengo cha phazi lawo mu zuŵa la ukari wawo.

Yeremiya 39:8

ŴaKaldiya ŵangocha nyumba ya karonga ndi nyumba za ŵanthu, ndi ŵangubwanganduliya pasi malinga gha Yerusalemu.

Yeremiya 32:29

ŴaKaldiya wo ŵaturwa ndi msumba uwu ŵakazanga ndi kupong'a moto pa msumba uwu, kuwocha, ndi zinyumba zo pa mabagha ghake sembe za vyakusunkhizga zaperekeka kwaku Bala ndi mpasku ya vya kumwa yadirikiya ku ŵachiuta ŵanyake, kundisosomole ine ku kukwiya.

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 26:6

iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

2 Mikoka 36:19

Wangocha nyumba yaku Chiuta, ndipo wangubwanganduwa linga lose la Yerusalemu, wangocha zinyumba za ŵakaronga ŵake ndi vyose, wangumbininiska viyaŵi vyose vyamtengo wapatali.

ŴaLevi 26:44

Ndipuuli, po ŵeche mu charu cha ŵamawongo ŵawo, kuti ndikaŵatayanga cha chingana nkhuŵakana, kuti ndiŵamariye limu wose ndi kureka phanganu langu lo ndingupangana nawo; pakuti Ine ndine Ambuya Chiuta wawo:

ŴaLevi 26:31

Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

Sumu 89:39

Mwazimwa phanganu ndi mteweti winu, chifuku chake mwataya mu fuvu.

Yeremiya 21:4

“Mukakambe viyo kwaku Zedekiya, ‘Viyo atiti Ambuya, Chiuta waku Yisraele: Ehe, ndikawezgiyanga vuli vidya vya nkhondo vyo vye mu manja ghinu, vyenivyo imwe murwiya navyo pa karonga wa Babiloni ndi pa ŵaKaldiya wo ŵakuzingani kubwalo ku malinga; ndipo ndikaŵawunjikanga wose mukati mu msumba uwu.

Yeremiya 50:28

“Avwani! Ŵathaŵa ndi kunyeremuka ku charu cha Babiloni, kwachitaula mu Zioni thayu la Ambuya Chiuta widu, thayu lapa kasopi wake.

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

2 ŴaKaronga 25:9

Ndipo wangocha nyumba ya Ambuya ndi nyumba ya karonga ndi nyumba zose zamu Yerusalemu, nyumba yose yikuru wangoche pasi.

Yesaya 64:9

Mungakaripanga kwakurutilizga, Ambuya mwe; ndipo rekani kukumbuka kulakwa muyaya. Ehe, ghanaghanani, ifwe tose te ŵanthu ŵinu.

Yeremiya 4:26

Ndingulereska, ndi ehe, charu cha minda chingusanduka bozwa, ndipo mizi yake yose yingupopeskeka paurongo pa Ambuya, paurongo pa ukari wawo wakofya.

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.