Chitenje 2:4 - Tonga Bible 1986

⁴ Atweŵa uta wawo uli ngwamawongo, ndi janja lawo lamarghe nge ndi murwani; ndi abaya ŵanthu wose wo tithamiya mu ŵankhondo ŵamu Zioni; apunguwa ukari wawo uli ndi moto.

Chitenje 2:4 Referans Kwoze

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Ezekiele 24:25

“Ndipo iwe, mwana wa munthu, pa zuŵa lo ndikatuzgiyangapo malinga ghawo, chimwemwe ndi unkhankhu wawo, likondwa la maso ndi linweka la mitima yawo, ndipo so ŵana ŵawo ŵanthurumi ndi ŵanthukazi,

Yeremiya 21:5

Ine ndamweni ndikarwanga namwe ndi janja lakutambaruwa ndi janja la nthazi, mu ukari, mu ufyu, ndimwakufya mtima ukongwa.

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Yeremiya 30:14

Ŵakwanjiwa ŵako wose ŵakuruwa; kuti ŵatikuphwere nanga nkhamana cha; pakuti ndakupuma iwe nge ngwakupindikana, kulanga kwa murwani wambura lisungu pakuti kulakwa kwako nkhukuru, inya mauheni ghako nganandi.

Jobu 6:4

Pakuti mivwi ya Wanthazi zose ye mwaku ine. Mzimu wangu utumwa ulembe waku yo. Vyakofya vyaku Chiuta vinozgeka kumikana nani.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Nahumu 1:2

Ambuya ndi Chiuta wasanji ndi wakuwezge thayu, ndi wakukaripa, Ambuya awezge thayu pa ŵakupindikana ŵawo, ndipo aŵikiya ukari pa ŵarwani ŵawo.

Ezekiele 36:18

Viyo ndinguŵapunguliya ukari wangu chifukwa cha ndopa zo ŵangudiska, ndi chifukwa cha ŵangoza ŵawo wo ŵangukazuzga nawo charu.

Ezekiele 22:22

Mo siliva lisongonoke mu ng'anjo, ndimo imwe namwe mukasongonokiyanga mukati mwake; ndipo mukaziŵanga kuti ine Ambuya ndapunguliya ukari wangu paku imwe.”

Ezekiele 6:12

Yo wekutali wakafwanga ndi chiwowota; wa pafupi wakafwanga ndi lipanga; ndipo yo wasiyika ndi kusungika wakafwanga ndi nja. Umu ndimo ndikafiskiyanga ka ndundu kangu paku iwo.

Ezekiele 5:13

“Viyo ndimo ukari wangu ukamariyanga, ndikajikhorweskanga pakupunguliya kukwiya kwangu paku iwo; sono ŵakaziŵanga kuti ine, Ambuya, musanji yangu ndarongoro, po ndifiska kukara kwangu paku iwo.

Chitenje 4:1

Owe mo wagugiya golide, mo golide mweneko wang'anamukiya! Mya yakupaturika yala pasi kwakuparghanikana, pakuserere mu gurwi we yose.

Chitenje 3:3

kwakuneska wang'anamuliyapo janja lake paku ine zuŵa lose pwa.

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Yeremiya 36:7

Vinu Ambuya akavwanga kuŵeyere kwawo, ndi kuti we yose wakang'anamukangako ku nthowa yake yiheni, pakuti nkhukuru kukwiya ndi kukara ko Ambuya akambiya pa ŵanthu wawo.”

Yeremiya 21:12

wa nyumba yaku Davidi! Atiti viyo Ambuya: Chitani cheruzgu chirunji ndi mlenji, ndipo umutaske ku janja la wakumukandirizga yo wakwamphulika vyake, vinu ukari wangu ungatuwa uli ndi moto, ndi kocha, po paulengevi wakuwuzimwa, chifukwa cha machitidu ghinu ghaheni.’ ”

Yeremiya 4:4

Jichinjiyeni ku Ambuya tuzganipo khungu la mitima yinu, mwa ŵanthu ŵaku Yuda ndi ŵakuja mu Yerusalemu, vinu ukari wangu ungaruta nge ndi moto, ndi kocha penipo palivi wakuwuzimwa chifukwa cha uheni wa machitidu ghinu.”

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Yesaya 63:6

Ndinguŵakandirizga pasi ŵanthu mu ukari wangu, ndinguŵalowereska mu kukwiya kwangu, ndipo ndingudira ndopa za umoyo wawo pa charu chapasi.”

2 Mikoka 34:25

Chifukwa ŵandijowo ine, ndi kocha vya chema ku ŵachiuta ŵanyake kundisosomoleine ku kandundu ndi nchitu zose zo maja ghawo, pa chifukwa ichi kandundu kangu kapungulikiyenge pa malo yagha ndipo kuti kazimwikenge cha.

2 Mikoka 34:21

“Rutani mukandifumbiye ku Ambuya ine ndi ŵanthu wose wo ŵajako mwaku Yisraele ndi mwaku Yuda ndi mazu gha mu buku ili lasanirika, chifukwa nkhakuru kandundu ka Ambuya ko kapunguliya paku ifwe chifukwa ambuyafwe ŵengavi kusunga mazu gha Ambuya, kuchita kwakulingana ndi vyose vyo vingulembe ka mu buku ili.”

Sumu 37:14

Ŵaheni ŵasoro lipanga, ŵatweŵa mauta ghawo, kuwiskiya pasi mukavu ndi musauchi, kubaya ŵakwenda kwakurunjika.

Yeremiya 10:20

Hema langu labwanganduka, vingwe vyangu vyose vyadumuka; ŵana ŵangu ŵatuwako kwangu, ndipo kuti ŵalipo cha; palivi nanga njumoza wakujintha so hema langu, pamwenga kuchinga saru zangu.

Ezekiele 20:34

Ndikamutuzganinga kutuwa mu mitundu ndi kumuwunjikani kutuwa mu vyaru mo mukuparghang'ikiya, ndi janja la nthazi ndi mkono wakutambaruka, ndi kupungulika kwa ukari;

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Marangu 32:22

Pakuti moto wakozgeka ndi ukari wangu ndipo unyeka kufika pa ndimba ya muunda, ubwanganduwa charu chapasi ndi vya uzali wake, ndipo utocha viwanga vya mapiri.

1 Samuele 28:16

Samuele wanguti, “Na chifukwa nchine ufumba ine, asani Ambuya ndiwo atuwako kwako asanduka murwani wako?

Jobu 19:11

Wapemba ukari wake kumikana nane, ndi watindipima nge ngwakupindikana wake.

Sumu 7:13

Wajirongosole vidya vyakofya, mivwi yake wachita yakocha.

Yeremiya 42:18

“Viyo atiti Ambuya ŵa maŵanja, Chiuta waku Yisraele: Mwenimo kukwiya kwangu ndi ukari wangu vingupungulikiya pa ŵakuja mu Yerusalemu, viyo ndimu ukari wangu ukapungulikiyanga paku imwe asani mutiya ku Egipiti. Mukaŵanga kawerere, chakofya, thembo chakunyozeka. Kuti mughawonenge so cha malo yagha.

Chitenje 1:13

“Kutuliya mu mudengwendi angutuma moto mu viwanga vyangu; anguwusiskiya pasi; anguthyiya marundi ghangu chirepa; angunding'anamuliya kuvuli; andisiya wakuzendasenda, ndawanyota zuŵa lose.

Chitenje 4:11

Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.

Ezekiele 7:14

Ŵamba mbata wose ŵajirongoso; kweni palivi nanga njumoza wakuya ku nkhondo, pakuti ukari wangu we pa wumba wawo wose.

Ezekiele 13:13

Chifukwa ichi atiti Ambuya Chiuta: Ndikaputiskanga chimphupuru chikuru mu ukari wangu; ndipo kukaŵanga vuwa yikuru mu kukwiya kwangu, matalala ghakuru mu kukara kwangu kulipasuwa.