Chitenje 2:21 - Tonga Bible 1986

²¹ Mu fuvu la mu ŵagurwi mwagona ŵaŵisi ndi ŵakukota; ŵamwali ŵangu ndi ŵanyamata ŵangu ŵabayika ndi lipanga; mu zuŵa la ukari winu mwaŵabaya, kubaya kwambura lisungu.

Chitenje 2:21 Referans Kwoze

2 Mikoka 36:17

Pa chifukwa ichi Chiuta wanguŵaziya ndi karonga wa ŵaKildiya yo wangubaya ŵanyamata ŵawo ndi lipanga mu nyumba yawo yakupaturika, ndipo kuti yinguŵachitiya lisungu cha chingana mbanyamata pamwenga ŵamwali, khongwi pamwenga yo wenga khongwi lakukota ukongwa: wanguŵapereka wose mu janja lake.

Zekariya 11:6

Ndipo ŵaliska ŵawo kuti ŵe nazo ndi chitima cha. Ndipo nane ndirekenge kuŵa ndi chitima ndiwo ŵaja mu charu ichi, atiti Ambuya. Nadi ndiperekenge munthu yose mu janja la mliska wake, ndipo yose mu janja la karonga wake; ndipo ŵaphwanyenge charu, ndipo kuti nditaskenge nanga njumoza cha mu janja lawo.”

Chitenje 3:43

“Mwajikulunga ndi kukara ndi mwatindondoloska, mwabaya kwambura lisungu.

Yeremiya 13:14

Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Chitenje 2:17

Ambuya achita cho angulongoso, afiska kufinga kwawo, uli ndimo anguteme kale ukongwa, abwanganduliya pasi kwambura lisungu; aŵakondweska ŵakupindikana ŵako, ndipo akuzga nthazi ya ŵarwani ŵinu.

Chitenje 2:2

Ambuya abwanganduwa kwambura lisungu mizi yose yaku Yakobe; mu ukari wawo abwanganduliya pasi malinga gha misumba, yaku Yuda; asiskiya pasi mu muyuyu ufumu ndi weruzgi wake.

Chitenje 1:15

“Ambuya anguyeya ŵanthu ŵangu wose ŵanthazi mukati mwangu; anguwungang'a wumba kulimbana ndi ine, kung'anya ŵanyamata ŵangu, Ambuya akandiya pasi nge nchakukandiyamo vinyo ŵanthu ŵawo ŵaku Yuda.

Yeremiya 18:21

Chifukwa cho mupereke ŵana ŵawo ku chilala; muŵapereke ku nthazi ya lipanga, ŵawoli ŵawo ŵaŵe ŵambura ŵana, ŵaŵe vyoko. Ŵanthurumi ŵawo ŵafwe, ndi chideru, ŵanyamata ŵawo ŵabayike ndi lipanga mu nkhondo.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Ezekiele 9:10

Ine nane, jiso langu kuti likasiyangako kanthu cha, nanga nkhuti ndiŵi ndi lisungu naku so cha, kweni nkhawezgiyanga nchitu zawo pa muti yawo.”

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Ezekiele 7:9

Ndipo jiso langu kuti likarekeliyanga, nanga nkhuŵa ndi lisungu cha; ndikakulanganinga kwakulingana ndi nthowa zinu, po maunyakazi ghinu ghe mukati mwinu. Sono mukaziŵanga kuti ine ndine Ambuya, wo apuma.

Ezekiele 7:4

Jiso langu kuti likarekeliyanga cha, nanga nkhuti ndichiti lisungu nako cha; kweni chifukwa cha nthowa zinu ndikakulanganinga, po maukazuzi ghinu ghe mukati mwinu. Po ndipo mukaziŵanga kuti ine ndine Ambuya.

Ezekiele 5:11

Viyo, mo ndiliri wamoyo, atiti Ambuya Chiuta, kwakuneneska, pakuti mwakazuzga malo ghangu ghakupaturika ndi vinthu vinu vyose vyakuchitiska soni ndi maunyakazi ghinu ghose, nadi ndikakudumuliyaninga pasi; jiso langu kuti lisiyengepo cha, ndikaŵangavi lisungu.

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

Yeremiya 51:22

ndi iwe ndituswa tumanatumana munthurumi ndi munthukazi; ndi iwe ndituswa tumanatumana munthurumi wakukota ndi munyamata; ndi iwe ndituswa tumanatumana munthurumi wampupuka ndi mwali;

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Yeremiya 11:22

Chifukwa cho atiti Ambuya ŵa maŵanja: “Ehe, ndikaŵalanganga: ŵanyamata ŵakafwanga ndi lipanga: ŵana ŵawo ŵanthurumi ndi ŵanthukazi ŵakafwanga ndi nja,

Yeremiya 9:21

Pakuti nyifwa yakwera yasere pa madangazi ghidu, yasere mu nyumba zidu za ufumu, kuŵadumuwa ŵana mu miseu ndi ŵanyamata mu mabwalo.

Yeremiya 6:11

Chifukwa cho ndazazika ndi ukari wa Ambuya; ndavuka kuja nawo chisisi. “Upunguliyeni pa ŵana mu museu, ndi pa maungano gha ŵanyamata; murumi ndi muwoli wose ŵaŵi ŵakatolekanga, madoda ndi khongwe ilo.

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Estere 3:13

Ŵakalata ŵangutumika ku vyaru vyose vya karonga kuti kuŵenge kubaya ndi kumara ŵaYuda wose, ŵamana ndi ŵara, ŵana ndi ŵanthukazi, mu zuŵa limoza, pa zuŵa la chumi ndi ghatatu la mwezi chumi ndi yiŵi, mwezi wa Adara, ndi kuskoŵa vyawo.

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

Yoswa 6:21

Ndipo ŵangumara ndi lipanga wose ŵanthurumi ndi ŵanthukazi, ŵamana ndi ŵara, ng'ombe, mberere ndi zimbunda.

Marangu 28:50

mtundu wa chisku cha kofya weniwo kuti ukaphwerenga unthu wa mura cha pamwenga kuchita lisungu ku mumana cha,

Marangu 32:25

Pakweru lipanga lipaskenge chitenje, ndipo mu vipinda mukaŵanga mantha kubaya munyamata ndi mwali pamoza, litema lakonkha ndi munthu mura wa nyivu.

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Amosi 8:13

“Mu zuŵa lenilo ŵamwali ŵakutowa ndi ŵanyamata ŵamukufwa msara ndi nyota.

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Yeremiya 9:20

Mwa ŵanthukazi mwe, avwani mazu gha Ambuya, gutu linu lironde mazu gha mlomo wawo; ŵana ŵinu ŵanthukazi muŵarunguchizge chitenje, yose warunguchizge mwanasi wake sumu ya chitenje.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.