Chitenje 2:15 - Tonga Bible 1986

¹⁵ Wose ŵakwenda mu nthowa ŵatumba manja paku iwe; ŵajuma ndi kupukung'a mitu yawo, pa msumba wa Yerusalemu; “Kumbi uwu ndi msumba weniwo wadanikanga kutowa kwakufikapo, kukondwa kwa charu chose chapasi?”

Chitenje 2:15 Referans Kwoze

Yeremiya 18:16

ŵasanduska charu chawo kuŵa chakofya, chinthu chakunyozeka muyaya. We yose wakujumphamo watofyera ndipo wapukung'a mutu wake.

Sumu 48:2

Phiri lake lakupaturika, lakutowa mwakukwere nchimwemwe cha charu chose chapasi, Phiri Zioni, kuchiri ku nkhonde, msumba wa karonga mukuru.

Ezekiele 25:6

Pakuti viyo atiti Ambuya Chiuta: Chifukwa wachitanga kumba manja, kuthiniska pasi marundi ghako, kwangara ndi kunyoza kose ko kwenga mwaku iwe pa charu chaku Yisraele,

Yeremiya 19:8

Ndipo ndikasanduskanga msumba uwu kuŵa wakofya, chinthu chakunyozeka; yose wakudumuwapo wakazizwanga ndipo wakafyonyanga mufyonyo chifukwa cha masoka ghake.

Sumu 50:2

Kutuwa mu Zioni, utozi wakufikapo, Chiuta waŵala.

Zefaniya 2:15

Uwu ndi msumba wakujikuzga wo wafwasanga, wo unguti mu mtima wake, “Ine ndiliko, ndipo kulivi munyake pade paku ine.” Nako nkhupasuka uku wapasuka, mphanji ya vikoko! Yose yo wadumuwapo wajuma ndi kupukung'a mutu wake.

Yesaya 64:11

Nyumba yidu yakupaturika ndi yakunozga, mwenimo auskefwe wangurumba imwe, yafya ndi moto, malo ghidu ghose ghakukondweska ghasanduka mapopa.

Yesaya 37:22

yagha ndigho mazu ghenigho Ambuya ŵakamba paku iyo: ‘Ŵanthu ŵaku Zioni ŵatikunyoza, watikuyeya; wapukung'a mitu yawo kuvuli kwako, ŵanthu ŵaku Yerusalemu.

Sumu 22:7

Wose wo ŵatindiwona ŵatindiwera, ŵanyumba milomo paku ine, ŵapukung'a mitu yawo.

Marko 15:29

Ndipo ŵakudumuwapo ŵamtukanga, ŵakupuking'a mitu yawo, ŵakuti, “Aha! Wakubwanganduwa kasopi we, ndi wakumuzenga mu mazuŵa ghatatu;

Mateyu 27:39

Ndipo ŵarutanjiya ŵamtukanga, ŵakupukung'a mitu yawo,

Nahumu 3:19

Kulivi kupozga kupweteka kwako, bamba lako liŵaŵa. Wose wo ŵavwenge makani ghako ŵakumbiyenge manja. Chifukwa mphakuyani palivi kuza uheni wako wambura kureka?

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Chitenje 2:16

Ŵakupindikana ŵako wose ŵakuyukiya, ŵajuma ŵake kechuwa minyu ghawo, ŵabangula: “Tamubwanganduwa! Oho, zuŵa ili ndilo tanwekanga; sono te nalo; titiliwona!”

Chitenje 2:6

Abwanganduliya pasi msasa wakenge ngwa mu munda, abwanganduwa malo gha madghera gha kutemeka; Ambuya akanizga madghera ghakutemeka ndi sabata mu Zioni, ndipo mu kukara kwawo kwakofya ayuyuwa karonga ndi mzukuru.

Chitenje 1:8

Yerusalemu wangulakwa ukongwa, chifukwa cho wanguŵa mukazuzi; wose wo ŵamutumbikanga ŵatimunyoza, chifukwa ŵawona nkhuli yake; inya chingana ndiyo mweneko watamantha, ndipo wang'anamukiya chisku chake kutali.

Yeremiya 51:37

Babiloni wakaŵanga vimbumira vya phasulu, mwakuja ŵakambwe, chakofya, ndi chakusekeka mwambura munthu wakujamo.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 25:18

Yerusalemu ndi mizi yose yaku Yuda; ŵakaronga ŵake ndi mafumu ghake, kuŵasanduska phasulu ndi chakunyozeka, chakusekeka ndi chakutembeka, nge ndimo ŵaliri zuŵa lino.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

2 Mikoka 7:21

Ndipo yose yo wakadumuwanga pa nyumba iyi yakutumbikika wakazizwanga, ndi wakatinge, ‘Chifukwa nchine Ambuya achita ichi ku charu ichi ndi ku nyumba iyi?’

2 ŴaKaronga 19:21

Agha ndigho mazu Ambuya akamba gha paku iyo: Watikuyuyuwani, watikutukani imwe mwa ŵanthu ŵaku Zioni; wapukung'a mutu wake ku msana kwinu mwa ŵanthu ŵa Yerusalemu.

Sumu 64:8

Chifukwa cha lilime lawo waŵapasuwenge; wose ŵakuŵalereska ŵakapukung'anga mitu yawo.

Sumu 109:25

Ndaŵa chisunjizgu ndi chakusekeka ku ŵakupindikana nane; ŵachindiwona, ŵapukung'a mitu yawo.

Yesaya 28:21

Chifukwa Ambuya akasokanga uli mpha phiri Perazimu, akakaripanga uli ndi mu dambo la Gibeoni, kuchita nchitu yawo, nchitu yawo njachilendo! Ndi kutakataka nchitu yawo, nchitu yawo nja chilendo!

Yeremiya 48:27

Asi Yisraele wenga chakusekeka kwaku iwe? Kumbi wangusanirika mukati mu ŵankhungu, pakuti pose po ŵakambanga zaku iyo wapukung'anga mutu wako?

Chitenje 1:21

“Avwani mo nditamanthiya; palivi yumoza wakundisangaruska. Ŵakupindikana ŵangu wose ŵavwavya suzgu yangu; mbakukondwa pakuti ndimwe mwachichita. Zani nalo zuŵa lo mwataula, ndipo muŵachite uli ndimo ndaŵiya ine.

Ezekiele 16:14

Mbiri yako yinguruta kutali mukati mu mitundu chifukwa cha kutowa kwako, chifukwa unguŵa utozi wakufikapo wo ndingusiskiya paku iwe, atiti Ambuya Chiuta.

Sumu 48:3

Mukati mu nyumba zake za ufumu, Chiuta wajirongo mweneko kuŵa chivekeru chakukho.

Yeremiya 26:6

iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

Ezekiele 5:15

Mukaŵanga chakuwereka, ndi chakunyozeka, sunjizgu ndi chakuyeyeka, ku mitundu yakumuzingirizgani, penipo ndiŵika cheruzgu paku imwe mu ukari ndi kandundu kangu, ndi kulengika kwakofya ine, Ambuya, ndakamba;

Ezekiele 16:13

Viyo ndimu ungusatirikiya golide ndi siliva; ndipo vyakuvwara vyako vinguŵa vya bafuta wakutowa, saru yakuwolofoka, ndi saru yakujeduka ya maŵangamaŵanga; warghanga ufwa wa trigu wakung'ibuka, uchi, ndi mafuta. Ungukuwa wakutowa kwakufikapo, ndipo ungufika pa mazaza gha ukaronga.

Ezekiele 23:32

Viyo atiti Ambuya: “Ukamwanga chandi cha muku wako cho nchakuti nyo ndi chisani; ukasekekanga ndi kuŵa wakunyozeka, pakuti mwe vinandi.

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.