Chitenje 1:22 - Tonga Bible 1986

²² “Kuchita kose kuheni kwawo kuze paurongo pinu; ndipo muchiti nawo uli ndimo mwachitiya ine chifukwa cha mautimbanizi ghangu ghose; pakuti mitamanthu yangu njinandi ndipo mtima wangu walakatuka.”

Chitenje 1:22 Referans Kwoze

Yeremiya 8:18

Chitima changu nchambura kuchizgika, mtima ngwakutama mukati mwangu.

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”

ŴaEfeso 3:13

Viyo na, ndiŵeyere imwe kuropwa cha mu mtima pa visuzgu vyangu vyapa chifukwa chinu, vyenivyo mbunkhankhu winu.

Luka 23:31

Pakuti, asani ku muti uŵisi ŵachita ivi nakuwakumira kukaŵanga chine?”

Chitenje 5:17

Chifukwa chaku ichi mtima widu watama chifukwa cha vinthu ivi maso ghidu ghachita ndandi.

Chitenje 1:13

“Kutuliya mu mudengwendi angutuma moto mu viwanga vyangu; anguwusiskiya pasi; anguthyiya marundi ghangu chirepa; angunding'anamuliya kuvuli; andisiya wakuzendasenda, ndawanyota zuŵa lose.

Yeremiya 51:35

Phuzu lo lachitika kwaku ine ndi ku ŵanyangu liŵe pa Babiloni,” ŵakuja mu Zioni ŵakambe viyo. “Ndopa zangu ziŵe pa ŵakuja mu Kaldiya,” ndimu wakambiye Yerusalemu.

Yeremiya 18:23

Kweni, imwe Ambuya, muziŵa viŵembo vyawo vyose kuti ŵandibaye. Mungaŵagowoke cha mautimbanizi ghawo, pamwenga kuzimwa uheni wawo pa maso pinu. Chondi muŵathereske paurongo pinu; muŵarange mu nyengo ya ukari winu.

Yeremiya 10:25

Punguliyani ukari winu pa mitundu yeniyo yireka kumuziŵani imwe, ndi pa ŵanthu wo kuti ŵadana pa zina linu cha, pakuti ŵamuzwanduwa Yakobe; ndi kumurgha, ndipo ŵapopeska charu chake.

Yesaya 13:7

Viyo manja ghose ghakakwinyatanga, mtima wa munthu yose ukasongonokanga,

Sumu 143:7

Chondi ndamukeni, Ambuya! Chigomezgu chose ndataya! Mungajibisanga cha kwaku ine, vinu ndingaŵa mukati mwakuwo ŵasikiya ku zenje.

Sumu 79:10

Yitifumbiyengenji mitundu, kuti, “Wepani Chiuta winu?” Mphanyi tawona kuti mwayisuzga mitundu, chifukwa cha kudika kwa ndopa za ŵateŵeti ŵinu!

Yeremiya 30:16

Chifukwa cho wose wo ŵatikuphwanya ŵakaphwanyikanga, ndipo ŵakupindikana ŵako wose, yumoza ndi yumoza ŵakarutanga mu uŵanda wo ŵatukuskoŵa ŵakaskoŵekanga, ndipo wose wo ŵatukurgha ndikaŵachitanga kuti nawo ŵarghike.