Chitenje 1:21 - Tonga Bible 1986

²¹ “Avwani mo nditamanthiya; palivi yumoza wakundisangaruska. Ŵakupindikana ŵangu wose ŵavwavya suzgu yangu; mbakukondwa pakuti ndimwe mwachichita. Zani nalo zuŵa lo mwataula, ndipo muŵachite uli ndimo ndaŵiya ine.

Chitenje 1:21 Referans Kwoze

Chitenje 1:8

Yerusalemu wangulakwa ukongwa, chifukwa cho wanguŵa mukazuzi; wose wo ŵamutumbikanga ŵatimunyoza, chifukwa ŵawona nkhuli yake; inya chingana ndiyo mweneko watamantha, ndipo wang'anamukiya chisku chake kutali.

Chitenje 2:15

Wose ŵakwenda mu nthowa ŵatumba manja paku iwe; ŵajuma ndi kupukung'a mitu yawo, pa msumba wa Yerusalemu; “Kumbi uwu ndi msumba weniwo wadanikanga kutowa kwakufikapo, kukondwa kwa charu chose chapasi?”

Chitenje 1:22

“Kuchita kose kuheni kwawo kuze paurongo pinu; ndipo muchiti nawo uli ndimo mwachitiya ine chifukwa cha mautimbanizi ghangu ghose; pakuti mitamanthu yangu njinandi ndipo mtima wangu walakatuka.”

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Yeremiya 50:11

Chingana mukondwa, chingana mutijikuzga, imwe mwakukwamphuwa charu changu, chingana mwangare nge ndi thokazi pa uteka, ndi kubongo nge ndi kavalo,

Sumu 35:15

Kweni pakuguŵa kwangu ŵanguwungana kundiseka, ŵanguwungana pamoza kumikana nane; ŵakupunduka ŵeniwo kuti ndinguŵaziŵa cha ŵangundikambiya utesi kwambura kurekezga;

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Chitenje 1:2

Uliya kwakuŵala ndi usiku, masozi pa matama ghake. Mu ŵakwanjiwa ŵake wose palivi nanga njumoza, waku wusangaruska; mabwezi ghake ghose ghaŵa ghakumutinkha, ghasanduka ŵamawongo ŵake.

Yeremiya 51:24

“Ndikamuwezgiyanga Babiloni, ndi wose ŵakuja mu Kaldiya, uheni wose weniwo ŵakuchita mu Zioni imwe muchilereska, atiti Ambuya.

Chivumbuzi 18:6

Muwerezgiyenipo uli ndipo iyo wangupaskiya imwe, ndipo muwerezgiyenge iyo kaŵi vyakaŵi kwakulingana ndi nchitu zake: mu chandi mwenimo wangusazga, msazgiyeni kwakaŵi.

Yoele 3:14

Mizinda, mizinda, mu dambo lakweruzgiya! Chifukwa zuŵa la Ambuya le pafupi mu dambo lakweruzgiya.

Ezekiele 26:2

“Mwana wa munthu, Turo pakukamba gha Yerusalemu wanguti, ‘Aha! Likomo la ŵanthu lafyoka, lajurika le mwazi kwaku ine; sono ndikagutiskikanga pakuti wapasuka,’

Yeremiya 51:49

Babiloni wakawangadi chifukwa cha ŵakubayika ŵa ŵaYisraele, nge ndimo ŵawiya ŵa charu chose chapasi chifukwa cha Babiloni.

Yeremiya 50:31

“Ehe, ndilimbana ndi iwe, wakujikuzga we, atiti Ambuya Chiuta wa maŵanja; pakuti zuŵa lako laza, nyengo mwaku yeniyo ndikakulanganga.

Yeremiya 50:29

“Danani wakupong'a uta kumikana ndi Babiloni, wose wo mbakutweŵa uta. Goŵani kwakumuzunguliya: kupozomoskapo nanga njumoza cha. Mumuwezge kwakulingana ndi nchitu zake, mu muchitiye iyo kwakulingana ndi vyose vyo wachita, pakuti ndi kujikuzga kwake watafuliya Ambuya, Wakupaturika Yo waku Yisraele.

Yeremiya 50:15

Bangulani paku iyo kwakuzunguliya, wathera; malinga ghake ghawa, vimati vyake vyagumulikiya pasi. Pakuti iti ndi thayu la Ambuya: chitani thayu paku iyo, muchitiyeni nge ndimo iyo nayo wachitiya.

Yeremiya 48:27

Asi Yisraele wenga chakusekeka kwaku iwe? Kumbi wangusanirika mukati mu ŵankhungu, pakuti pose po ŵakambanga zaku iyo wapukung'anga mutu wako?

Yeremiya 30:16

Chifukwa cho wose wo ŵatikuphwanya ŵakaphwanyikanga, ndipo ŵakupindikana ŵako wose, yumoza ndi yumoza ŵakarutanga mu uŵanda wo ŵatukuskoŵa ŵakaskoŵekanga, ndipo wose wo ŵatukurgha ndikaŵachitanga kuti nawo ŵarghike.

Sumu 38:16

Ndiromba kuti, “Chondi ŵareke kukondwere paku ine, wo ŵatijikuzga asani rundi langu lateremuka.”

Sumu 37:13

kweni Ambuya atimuseka muheni, pakuti awona kuti zuŵa lake likazanga.

Yesaya 14:5

Ambuya afyo nthonga ya ŵaheni, ndodo ya ufumu ya ŵeruzgi,

Yesaya 14:6

yo yingukoso ŵanthu mu ukari ndi mbumu zambura kumara, yo yinguusa mitundu muukari, mu suzgu yambura kureka.

Chitenje 2:16

Ŵakupindikana ŵako wose ŵakuyukiya, ŵajuma ŵake kechuwa minyu ghawo, ŵabangula: “Tamubwanganduwa! Oho, zuŵa ili ndilo tanwekanga; sono te nalo; titiliwona!”