Chitenje 1:17 - Tonga Bible 1986

¹⁷ Zioni watambaluwa manja ghake, kweni palivi nanga njumoza wakumusangaruska; Ambuya alanguriya paku Yakobe, kuti ŵakuzengezgana nayo ŵaŵe ŵarwani ŵake; Yerusalemu wasanduka chinthu cha ukazuzi mukati mwawo.

Chitenje 1:17 Referans Kwoze

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Yesaya 1:15

Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Chitenje 1:19

“Ndingudanirizga ku ŵakwanjiwa ŵangu kweni ŵangundipusika; ŵazukuru ŵangu ndi ŵaraŵara ŵangumaliya mu msumba, penipo ŵapenjanga kurgha kuwerezgamo nthazi zawo.

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

2 ŴaKaronga 25:1

Mu chirimika cha chinkhonde ndi vinayi cha muwusu wake pa zuŵa la chumi la mwezi, Nebukadanezara karonga waku Babiloni wanguza ndi nkhondo yake yose kuzachirwa ndi Yerusalemu, ndipo ŵanguwuzinga, ŵanguwuzingirizga ndi tumalinga.

Hoseya 8:8

Yisraele wamezeka; we mukati mu mitundu nge nchiyaŵi chaŵakaŵaka.

Ezekiele 36:17

“Mwana wa munthu po ŵaYisraele ŵajanga mu charu chawo, ŵanguchikazuzga chifukwa cha nthowa zawo ndi nchitu zawo; majaridu ghawo paurongo pangu ghanguŵa nge nkhufipiskika kwa munthukazi yo we mu masambi.

Chitenje 4:15

Ŵanthu ŵangubongo viyo paku iwo, “Tuwanipo! Mwaŵakukazuzgika! Tuwanipo, tuwanipo, mungakwaskanga cha!” Viyo ŵangusanduka ŵakuthaŵathaŵa ndi ŵakuyingayinga; ŵanthu ŵanguti mukati mu mitundu, “Kuti ŵakajanga so nafwe pamoza cha.”

Chitenje 1:21

“Avwani mo nditamanthiya; palivi yumoza wakundisangaruska. Ŵakupindikana ŵangu wose ŵavwavya suzgu yangu; mbakukondwa pakuti ndimwe mwachichita. Zani nalo zuŵa lo mwataula, ndipo muŵachite uli ndimo ndaŵiya ine.

Chitenje 1:2

Uliya kwakuŵala ndi usiku, masozi pa matama ghake. Mu ŵakwanjiwa ŵake wose palivi nanga njumoza, waku wusangaruska; mabwezi ghake ghose ghaŵa ghakumutinkha, ghasanduka ŵamawongo ŵake.

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Yeremiya 16:6

Wose ŵara ndi ŵamana ŵakafwiyanga mu charu ichi; kuti ŵakaŵikikanga cha, ndipo paulengevi yumoza wakuŵatenje nanga nkhujicheka pamwenga kumeta phala chifukwa chawo.

Yeremiya 6:3

Ŵaliska ndi viŵetu vyawo ŵakamuyukiyanga: ŵakakhomanga mahema ghawo kwakumuzunguliya, ŵakaliskanga viŵetu we yose mu malo ghake.

1 ŴaKaronga 8:38

Manyi ndi rombu lakutinji, manyi nkhuŵeyere kwakutinji ko kungachitika ndi munthu we yose pamwenga ndi khamu lose la Yisraele, munthu we yose wachiziŵa suzgu ya pa mtima wake, ndipo watambaruliya manja ghake kurata ku nyumba iyi,

1 ŴaKaronga 8:22

Sono Solomoni wanguma paurongo pa chiguŵa cha Ambuya pa maso gha umba wose wa ŵaYisraele, ndipo wangutambaruliya kuchanya manja ghake,

Yeremiya 8:18

Chitima changu nchambura kuchizgika, mtima ngwakutama mukati mwangu.

Yeremiya 12:9

Ŵanthu ŵangu ŵandiŵiya uli nchiyuni chakuŵaraŵata chakuko vinyake? Viyuni vyakuko vinyake vituŵatinkha kwakuzunguliya kose kose? Rutani, danani nyama zose zamu dondo ziungane; muze nazo kuzachiparuwa.

Chitenje 1:8

Yerusalemu wangulakwa ukongwa, chifukwa cho wanguŵa mukazuzi; wose wo ŵamutumbikanga ŵatimunyoza, chifukwa ŵawona nkhuli yake; inya chingana ndiyo mweneko watamantha, ndipo wang'anamukiya chisku chake kutali.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Yesaya 54:11

“Iwe wakuyuzgika, wakuyungwiskika ndi lirondo, wambura kusangaruskika, ehe, ndikamikanga mya yako mu maŵanga ghamanimani ndi kujalika viŵanja vyako ndi mya ya sangarawe.

Yeremiya 15:5

Njani wakaŵanga ndi lisungu paku iwe, Yerusalemu we, pamwenga njani wakakukhuzanga? Njani wakapatukanga kukufumbani, mulipo uli?