Chitenje 1:15 - Tonga Bible 1986

¹⁵ “Ambuya anguyeya ŵanthu ŵangu wose ŵanthazi mukati mwangu; anguwungang'a wumba kulimbana ndi ine, kung'anya ŵanyamata ŵangu, Ambuya akandiya pasi nge nchakukandiyamo vinyo ŵanthu ŵawo ŵaku Yuda.

Chitenje 1:15 Referans Kwoze

Malaki 4:3

Mukandirizgiyenge pasi ŵaheni, pakuti ŵakaŵanga nge ndi choto kusi ku maphazi ghinu, mu zuŵa lo ndamuchitiya ichi, atiti Ambuya ŵa maŵanja.

Yesaya 63:3

“Ndakanda mphereska ndija mu mbuli, ndipo pengavi munthu yumoza yo wenga pamoza nane, ndinguzikanda mu ukari wangu, ndinguziphwata mu kukara kwangu; viyo ndipo za umoyo wawo zaŵalikiya mu maraya ghangu, ndipo zazumbwiska vivwalo vyangu.

Yesaya 28:18

Sono phanganu linu ndi nyifwa likamaranga ndipo kuzomerezgana kwinu ndi nyifwa kuti kukaŵangapo cha; penipo likhwechu likuru lijumpha mukapumikanga nalo.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Danyele 3:13

Sono Nebukadanezara mu kandundu kake kakuru, wangulangula kuti ŵazi nawo Shadreke, Mesheke, ndi Abedenego. Ndipo ŵanguza nawo paurongo pa karonga.

Chitenje 3:34

Ambuya kuti azomerezga chakukandirizga pasi rundi, ŵamagoŵa ŵa charu chapasi,

Yeremiya 51:34

“Nebukadanezara karonga wa Babiloni wandirgha ine, wandiphwanya; wandichita kuŵa chiyaŵi chiyumu, wandimeza ulaka ncha nchalinda: wazaza nthumbu yake ndi vyakunowa vyangu, wandikana ine.

Yeremiya 50:26

Zaninga kumikana nayo kutuwa kosekose; jurani nkhokwe zake; muwunjikeni nge ndi ndundu za mbuto, ndipo mumuphwanye tetete; mungasiyapo nanga nkhamoza kaku iyo.

Yeremiya 37:10

Pakuti chingana mungapunda nkhondo yose ya ŵaKaldiya wo ŵaturwana namwe, ndi ŵangajako mukati mwawo ŵakurasika pe munthu we yose mu hema lake, wayukenge ndi kocha msumba uwu ndi moto.’ ”

Yeremiya 18:21

Chifukwa cho mupereke ŵana ŵawo ku chilala; muŵapereke ku nthazi ya lipanga, ŵawoli ŵawo ŵaŵe ŵambura ŵana, ŵaŵe vyoko. Ŵanthurumi ŵawo ŵafwe, ndi chideru, ŵanyamata ŵawo ŵabayike ndi lipanga mu nkhondo.

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.

Yesaya 41:2

Njani wanguyuska munyake kutuwa ku vuma mweniyo kupunda kukumana nayo pa mchapu wose? Wapereka mitundu paurongo pake, viyo kuti waphwata akaronga ndi rundi lake; wati ŵachita nge ndi fuvu ndi lipanga lake, uli ndi mbuwa yakuputiskika ndi uta wake.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Sumu 119:118

Mupata wose ŵambura kuvwiya marangu ghinu; inya nthowa zawo za ukazuzi zawaka.

2 ŴaKaronga 9:33

Iyo wanguti, “Mupong'eni pasi.” Viyo ŵangumpong'a pasi, ndipo ndopa zake zinyake zingongana pa chimati ndi zinyake pa ŵakavalo, ndipo ŵangumupwata ndi marundi.

Ŵeruzgi 10:8

wanguŵapweteka ndikuŵayuzga ŵaYisraele chirimika chiya. Kwa virimika chumi pachanya nkhonde ndi vitatu (18) wanguyuzga ŵaYisraele wo ŵenga ku sirgha la Yordane mu charu cha Amori, cho chemu Gileada.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Yeremiya 6:11

Chifukwa cho ndazazika ndi ukari wa Ambuya; ndavuka kuja nawo chisisi. “Upunguliyeni pa ŵana mu museu, ndi pa maungano gha ŵanyamata; murumi ndi muwoli wose ŵaŵi ŵakatolekanga, madoda ndi khongwe ilo.

Yeremiya 13:24

Ndimumbininiskeninge nge ndi mwere wakuputiskika ndi mphepo kutuwa ku bozwa.

Yoele 3:13

Serezgani chisenga, chifukwa vuna yafya. Sereni, ndi pondani, chifukwa chakupondiyamo mphereska chazaza. Vyakuŵikamo vifwapuka chifukwa uheni wawo ngukuru.

Chitenje 2:21

Mu fuvu la mu ŵagurwi mwagona ŵaŵisi ndi ŵakukota; ŵamwali ŵangu ndi ŵanyamata ŵangu ŵabayika ndi lipanga; mu zuŵa la ukari winu mwaŵabaya, kubaya kwambura lisungu.