Chitenje 1:14 - Tonga Bible 1986

¹⁴ “Mautimabanizi ghangughangumangika mu goli; ndi janja lake vingumangika pamoza; vinguŵikika pa khosi langu; angugongoweska nthazi yangu; Ambuya angundipereka mu manja ghaku ŵeniwo kuti ndingapindana nawo cha.

Chitenje 1:14 Referans Kwoze

Yesaya 47:6

Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.

Ezekiele 25:7

chifukwa cho, ehe, ndanyoroska janja langu pakumikana ndi iwe, ndikakuperekanga ku mitundu nge nchakuskowa, ndipo ndikakundumuwangako ku ŵanthu ndi kukutuzga mu vyaro; ndikakuparghang'anga. Sono ndipo ukaziŵanga kuti ine ndine Ambuya.

Ezekiele 25:4

chifukwa ichi nditukupereka ku ŵanthu ŵaku vuma kuŵa chihara chawo, ndipo ŵakamikanga nkhondo zawo mukati mwako ndi kuŵa ndi uja wawo mwaku iwe; ŵakarghanga vipasi vyako, ndi kumwa mkaka wako.

Yeremiya 28:14

Pakuti atiti viyo Ambuya ŵa maŵanja, Chiuta waku Yisraele: Ine ndaŵika pakhosi la mitundu iyi yose gori la chisulo la uŵanda kwaku Nebukadanezara karonga wa Babiloni, ndipo ŵakamutataliyanga; ndamupaska so ndivinyama vya mu dondo.’ ”

Nthanthi 5:22

Mphurupuru za muheni zitumuthya ndipo wawira mu kuchita kwa uheni wake.

Hoseya 5:14

Chifukwa ndiŵenge kwaku Efraimu nge ndi nkharamu, ndi nge ndi nkharamu yimana ku nyumba yaku Yuda. Ine, nadi ine, ndiparuwenge ndi kutuwapo, ndikonge ndipo palivi yo wangataska.

Ezekiele 23:28

Pakuti viyo atiti Ambuya Chiuta: Awona, ndikakuperekanga ku manja ghakuwo iwe utinkha, ku manja ghaku wo iwe unguŵapata ndi kuŵanyoza;

Ezekiele 21:31

Ndikakupunguliyanga ukari wangu; ndikuphutiyenge moto wa kukara kwangu; ndipo ndikakuperekanga mu manja gha ŵanthu ŵankhaza ziheni, ŵanthazi ndi ŵakuziŵa kuparghang'a.

Ezekiele 11:9

Ndipo ndikakutuzganinga mukati mwake, ndi kukuperekani mu manja gha ŵalendo, nderuzgenge paku imwe.

Yeremiya 37:17

karonga Zedekiya wangutuma kwachimutuzga ndipo wangumuronde. Karonga wangumufumba ku udeke mu nyumba yake, wanguti, “Kumbi ghaliko mazu ghatuwa kwa Ambuya?” Yeremiya wanguti, “Ghaliko.” Sono wanguti, “Ukaperekekanga mu janja la karonga waku Babiloni.”

Yeremiya 32:5

wakarutanga nayo Zedekiya ku Babiloni, ndipo wamuja kwenikuwa mpaka penipo ndaruta kwachimuwona, atiti Ambuya; chingana ukarwanga ndi ŵaKaldiya, kuti ukaŵapundanga cha.’?”

Yeremiya 27:12

Kwaku Zedekiya karonga waku Yuda ndingukamba viyo: “Ŵikani makhosi ghinu mu gori la karonga wa Babiloni mumutataliye iyo ndi ŵanthu ŵake, mwakuti muŵe ŵamoyo.

Yeremiya 27:8

“ ‘ “Kweni asani mtundu we wose, pamwenga ufumu, ukarekanga kutataliya Nebukadanezara, karonga wa Babiloni, ndi kureka kuŵika khosi lake mu gori la karonga wa Babiloni; ine ndikawulanganga mtundu wo ndi lipanga, ndi chilala, ndi chideru, mpaka penipo ndawumara ndi janja lake, atiti Ambuya.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yesaya 14:25

kuti ndikaswanga mu Asiriya mu charu changu, ndi pa mapiri ghangu ndimupwatiyenge pasi pa rwayo; ndipo goŵa lake likatuwangako kwaku wo, ndi katundu wake kupheŵa lawo.”

Yeremiya 28:13

“Ruta, kamunene Hananiya, ‘Atiti Ambuya, Iwe wafyo magori gha muti, kweni mu malo ghawo ndikachitiyangamo magori gha chisulo.

Yeremiya 32:3

Zedekiya karonga waku Yuda wangumujariya mu ukaidi, wanguti, “Chifukwa chine uchima ndi kunena kuti, ‘Viyo atiti Ambuya: Ehe, ndiperekenge msumba uwu mu janja la karonga wa Babiloni, ndipo wakautonga;

Mika 2:3

Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.