Amosi 9:5 - Tonga Bible 1986

⁵ Ambuya, Chiuta wa maŵanja, yo wakwaska charu chapasi ndipo chisongonoka, ndi wose wo ŵaja mwaku cho ŵatenje, ndipo chose chiyuka nge ndi Nile ndipo chibila so, nge ndi Nile waku Egipiti;

Amosi 9:5 Referans Kwoze

Amosi 8:8

Kumbi charu kuti chitenthemenge cha pa chifukwa ichi, ndi munthu yose kuliya yo wajamo, ndi chose kuyuka nge ndi Nile, ndi kupong'eka ndi kubizgika so, nge ndi Nile waku Egipiti?”

Sumu 46:6

Yinguuruma mitundu, ghangusukunika maufumu; wakamba mazu ghake, charu chapasi chisongonoka.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Yesaya 64:1

Mphanyi iku munguparuwa kuchanya ndi mungusikiya pasi, kuti mapiri ghasukunike pa uŵapo winu

Mateyu 7:27

ndipo yingung'a vuwa, ŵazandi ŵanguza, zinguputa mphepu, ndi zingubumiya pa nyumba yo; mpaka yinguwa: ndipo kwenga kukuru kupasuka kwake!”

Habakuku 3:10

Mapiri ghangumuwonani, ndi kuvivira; maji ghanthazi ghangusapatiya; ndimba yingutuzga mazu, yingutumphuskiya manja ghake pachanya.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Sumu 144:5

Ambuya, kungunuwani mtambo, sikiyani pasi; ghakoni mapiri, ndipo ghakatuzganga usi.

Sumu 32:6

Chifukwa ichi we yose yo ngwauchiuta wapereke rombu kwaku imwe; pa nyengo ya suzgu, mukusapatiya kwa maji ghanandi, kuti ghamukwaskenge cha.

Sumu 97:5

Mapiri ghasongonoka nge ndi phura paurongo pa Ambuya ŵa charu chose.

Sumu 104:32

Iwo alereska pa charu chapasi, ndipo chitenthema; achikwaska mapiri, ghasunkha usi.

Nahumu 1:5

Mapiri ghasukunika paurongo pawo, tumapiri tusongonoka; charu chapasi chipasuka paurongo pawo, charu ndi wose ŵakujamo.