Amosi 9:2 - Tonga Bible 1986

² “Chingana ŵangakumba kusi kumuunda, janja langu lakuŵato kweniko; chingana ŵangakwere kuchanya, ndakuŵasiskiya pasi kweniko.

Amosi 9:2 Referans Kwoze

Yeremiya 51:53

Chingana Babiloni wangakwere kuchanya, chingana wangazingirizga mitunthu yake yitali ndilinga, wakazanga mbwenu wakuphwanya kutuwa kwaku ine, atiti Ambuya.

Obadiya 1:4

Chingana utijitukumuwa wija nge ndi nombo, chingana chivimbo chako che mukati mu nyenyezi, ndikusiskiyenge pasi, atiti Ambuya.

Luka 10:18

Kweni wanguti kwaku wo, “Ndawonanga Satana yo kumbotoka ulaka ndi limphezi la kuchanya.

Yeremiya 49:16

Kofya ko we nako kwakupusika, ndi kujikuzga kwa mtima wako, iwe wakuja mu malijengwajengwa gha mya, iwe uthamiya utali wa mtunthu. Chingana uchita chivimbu chako nge ncha nombo, ine ndikakusiskiyanga pasi kutuwa kwenikuwa, atiti Ambuya.

Yesaya 2:19

Ŵanthu ŵazamusere mu zimphanji za majarawe ndi mazenje gha pasi, kuthaŵa ku chofyu cha Ambuya ndi ku unkhankhu wa ukaronga wake, penipo akasokanga kofya charu chapasi.

Jobu 26:6

Muunda we mwazi pa maso paku Chiuta, pharghang'iko lilivi chibenekere.

Jobu 20:6

Chingana msinkhu wake ufika mpaka kuchanya, ndipo mutu wake ugota ku mitambo,

Jobu 34:22

Kulivi mduzi, pamwenga mdima wamunkhorwe mwaku weniwo ŵakuchita uheni ŵangabisama.

Ezekiele 26:20

penipo ndipo ndikakukosoliyanga pasi pamoza ndi wo ŵasikiya ku zenje, ku ŵanthu ŵa mwaka, ndipo ndikakujarikanga mu charu chapasi ukongwa, mukati mumalo ghakupasuka kale, pamoza ndi wo ŵasikiya ku zenje, mwakuti ureke kuŵa so chakujamo cha ŵanthu pamwenga kuŵa ndi malo mu charu cha ŵamoyo.

Ezekiele 31:14

Chose ichi chaŵapo mwakuti miti yose ya pafupi ndi maji yireke kukuwa ukongwa viyo, pamwenga kujarika songo zake mu mitambo, ndi kuti miti yose yo yitumwa maji yireke kujikwezga kwakuruska mwaku iyo yeneko; pakuti yose yikuperekeka ku nyifwa, kusi kwa charu chapasi mukati mu ŵanthu ŵakufwa, pamoza ndiwo ŵasikiya ku Zenje.

Jobu 22:13

Ndipo iwe utiti Chiuta waziŵa chine? Kumbi wangaziŵa kweruzga mukati mu mdima wa munkhorwe?

Jobu 24:23

Watuŵapaska chimangu ndipo ŵakhozgeka, maso ghake ghe pa nthowa zawo.