Amosi 9:15 - Tonga Bible 1986

¹⁵ Ndiŵapandenge pa charu chawo, kuti ŵakazuwikanga so cha mu charu cho ndaŵapaska,” atiti Ambuya Chiuta winu.

Amosi 9:15 Referans Kwoze

Yeremiya 24:6

Ndikalereskanga iwo kuŵachitiya umampha, ndipo ndikaŵawezgiyanga ku charu ichi. Ndikaŵazenganga, ndi kuti ndiŵapasuliyenge pasi cha; ndikaŵapandanga, ndipo kuti ndikaŵazuwanga cha.

Ezekiele 37:25

Wakajanga mu charu cho ŵangujamo auskemwe cho ndingupaska mteŵeti wangu Yakobe; iwo, ndi ŵana ŵawo, pamoza ndi ŵana ŵa ŵana ŵawo ŵakajanga mwaku cho muyaya; ndipo Davidi mteŵeti wangu wakaŵanga fumu yawo muyaya.

Ezekiele 34:28

Kuti zikaŵanga so chakuliwa ku mitundu cha, pamwenga vikoko vyo vye mu charu kuti vikazirghanga cha; zikajanga kwakufwasa paŵengevi nanga njumoza yo wakazitenthemeskanga.

Yesaya 60:21

Ŵanthu ŵinu wose ŵakaŵanga ŵakongorekwa; wakaharanga charu cho muyaya, mphanda ya kupanda ine, nchitu ya manja ghangu, alinga kuti ndikankhuskike.

Yoele 3:20

Kweni Yuda waŵenge ndi ŵanthu ŵakujamo muyaya, ndi Yerusalemu ku migonezi yose.

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Mika 4:4

Kweni wakajanga yose musi mumphereska yake ndi musi mwa mkuyu wake, ndipo pakaŵangavi yumoza wakuŵatenthemeska; chifukwa Ambuya ŵa maŵanja akamba viyo.

Sumu 44:2

imwe ndi janja linu mungutuzga mitundu ya ŵanthu, kweni iwo munguŵapanda; mungusuzga makhamu, kweni iwo munguŵajarika mu wanangwa;

Sumu 80:8

Munguza ndi mphereska kutuwa ku Egipiti; mungudikiskamo mitundu mu charu ndipo munguyipanda.

Yeremiya 3:18

Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Yeremiya 23:8

kweni kuti, ‘Mo aliri Ambuya amoyo wo wangutuzga ndi kurongozga Yisraele kutuwa mu charu chaku nkhonde ndi kutuwa mu vyaru vyose vyenivyo anguŵadikiskiyako.’ Sono ŵakajanga mu charu cha ŵeneko.”

Yeremiya 32:15

Pakuti viyo atiti Ambuya ŵa maŵanja, Chiuta waku Yisraele: Zinyumba, minda, ndi minda yamphereska vikagulikanga so mu charu ichi.’

Yeremiya 32:37

Ehe, ndikaŵaunjikanga kutuwa ku vyaru vyose vyenivyo ndinguŵadikiskiyako mu kukwiya ndi kukara kwangu, ndimu ukari wangu uzitu, ndikaŵawezgiyanga ku malo yagha, ndipo ndikaŵajarikanga pakukho.

Yeremiya 33:7

Ndikaŵawezganga ŵamikoli ŵaku Yuda ndi ŵamikoli ŵaku Yisraele, ndi kuŵazenga so uli ndimo ŵanguŵiya pakudanga.

Ezekiele 37:21

uŵanene kuti, Viyo atiti Ambuya Chiuta: Ehe, ndikawezganga, ŵaYisraele kutuwa mu mitundu yose mo ŵakuya, ndikaŵawunjikanga kutuwa uku ndi uku, ndikaŵaserezganga mu charu chawo;

Yeremiya 16:15

kweni ‘Nge ndimo aliri amoyo Ambuya ŵeniwo ŵangtuzga ŵaYisraele mu charu cha kunkhonde ndi mu vyaru vyose mwenimo anguŵadikiskiya.’ Chifukwa ndikaŵawezgiyanga ku charu chawo chenicho ndingupaska ku auskeu.