Amosi 9:14 - Tonga Bible 1986

¹⁴ Ndituzgengepo umagoŵa wa ŵanthu ŵaYisraele, ndipo ŵazamuzenga so mizi yakupasuka ndi ŵazamujamu; ŵazamulima minda ya mphereska ndi kumwa vinyo wawo, ŵakalimanga minda ndi kurgha vipasi vyawo.

Amosi 9:14 Referans Kwoze

Yesaya 61:4

Ŵakazenganga so mapopa gha mwaka, ŵakayuskanga so maphasulu gha kali; ŵakarongosonga misumba ya kuphwanyika, masara gha migonezi yinandi.

Yeremiya 30:3

Pakuti ehe, mazuŵa ghakazanga, atiti Ambuya, penipo ndikawezgiyanga umampha ŵanthu ŵangu, Yisraele ndi Yuda, atiti Ambuya, ndikaŵawezgiyanga ku charu chenicho ndingupaska auskeu, ndipo chikaŵanga chawo.”

Yeremiya 30:18

“Ambuya atiti, Ehe, ndikawezgiyanga umampha ku mahema ghaku Yakobe, ndikaŵanga ndi chitima ndi malo ghake ghakujamo; msumba ukazengekanga so pa mapopa ghake, ndipo nyumba ya ufumu yikamanga penipo yenga kali.

Ezekiele 28:26

Ndipo ŵakajangamo kwakufwasa, ŵakazenganga zinyumba ndi kupanda mphereska. Ŵakajanga kwakufwasavi, po ndifiska vyeruzgu paku wose ŵakuzengezgana ŵawo wo ŵanguŵayuyuwa. Sono penipo ndipo ŵakaziŵanga kuti ine ndine Ambuya Chiuta wawo.”

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yesaya 65:21

Ŵakazenganga zinyumba ŵakajanga mwaku zo; ŵakapandanga minda ya mphereska ndi kurgha vipasi vyake.

Sumu 53:6

Okwe mphanyi utaski waku Yisraele watuliya mu Zioni! Penipo Chiuta wawezge mwaŵi ŵanthu ŵake, Yakobe wangarenge ndipo Yisraele wakondwenge.

Ezekiele 39:25

“Chifukwa cho Ambuya Chiuta atiti: Le ndikawezganga ma umampha ghaku Yakobe, ndi kuŵa walisungu ndi nyumba yose yaku Yisraele; ndikachitiyanga sanji zina langu lituŵa.

Ezekiele 16:53

“Ndikaŵawezgiyanga maumampha ghawo, maumampha gha Sodomu ndi ŵana ŵake ŵanthukazi, ndi maumampha gha Samaria ndi ŵana ŵake ŵanthukazi, ndipo ndikawezganga maumampha ghaku iwe wamweni mukati mwawo,

Yeremiya 31:23

Viyo atiti Ambuya ŵa maŵanja, Chiuta waku Yisraele: “Ŵazamuwerezgapo so kukamba mazu yagha mu charu chaku Yuda ndi mu mizi yake, po ndikaŵawezgiyanga umampha: ‘Ambuya akutumbike wa nyumba yirunji, Wa phiri lakupaturika!’

Zefaniya 1:13

Vyuma vyawo vikaskowekanga, ndipo nyumba zawo zikapanyukanga. Chingana ŵazenga nyumba kuti ŵajengemo cha, chingana ŵapanda minda ya mphereska kuti ŵamwenge vinyo wawo cha.”

Amosi 5:11

Chifukwa nchakuti mukandirizga ŵakavu, ndi kupoka mithulu yawo ya trigu, mwazenga nyumba za mya yakusema; kweni kuti mujengemo cha; mwalima minda ya mphereska yakukondweska; kweni kuti mukamwanga vinyo wake cha.

Sumu 107:37

Ŵangumija minda ndi kupanda mphereska, vyo vinguŵapaska vuna yakuzala.

Yesaya 60:4

Soska maso ghako kwakuzunguliya ndi wona; wose ŵawungana pamoza, ŵatuza kwako; ŵana ŵako ŵanthurumi ŵakatuwanga kutali, ndipo ŵana ŵako ŵanthukazi ŵakanyamulikanga mu manja.

Yeremiya 12:15

Ndipo nditakuti ndaŵazuwa, ndikaŵanga so ndi chifundu paku iwo, ndipo ndikaŵatolenga so yumoza ndi yumoza ku chihara chake ndi we yose ku charu chake.

Yeremiya 23:8

kweni kuti, ‘Mo aliri Ambuya amoyo wo wangutuzga ndi kurongozga Yisraele kutuwa mu charu chaku nkhonde ndi kutuwa mu vyaru vyose vyenivyo anguŵadikiskiyako.’ Sono ŵakajanga mu charu cha ŵeneko.”

Yeremiya 24:6

Ndikalereskanga iwo kuŵachitiya umampha, ndipo ndikaŵawezgiyanga ku charu ichi. Ndikaŵazenganga, ndi kuti ndiŵapasuliyenge pasi cha; ndikaŵapandanga, ndipo kuti ndikaŵazuwanga cha.

Yeremiya 31:5

Mukapandanga so minda ya mphereska pa mapiri gha Samaria; ŵakupanda ŵakapandanga ndipo ŵakarghanga vipasi.

Yeremiya 32:15

Pakuti viyo atiti Ambuya ŵa maŵanja, Chiuta waku Yisraele: Zinyumba, minda, ndi minda yamphereska vikagulikanga so mu charu ichi.’

Yeremiya 32:37

Ehe, ndikaŵaunjikanga kutuwa ku vyaru vyose vyenivyo ndinguŵadikiskiyako mu kukwiya ndi kukara kwangu, ndimu ukari wangu uzitu, ndikaŵawezgiyanga ku malo yagha, ndipo ndikaŵajarikanga pakukho.

Yeremiya 33:7

Ndikaŵawezganga ŵamikoli ŵaku Yuda ndi ŵamikoli ŵaku Yisraele, ndi kuŵazenga so uli ndimo ŵanguŵiya pakudanga.

Ezekiele 37:21

uŵanene kuti, Viyo atiti Ambuya Chiuta: Ehe, ndikawezganga, ŵaYisraele kutuwa mu mitundu yose mo ŵakuya, ndikaŵawunjikanga kutuwa uku ndi uku, ndikaŵaserezganga mu charu chawo;

Yeremiya 16:15

kweni ‘Nge ndimo aliri amoyo Ambuya ŵeniwo ŵangtuzga ŵaYisraele mu charu cha kunkhonde ndi mu vyaru vyose mwenimo anguŵadikiskiya.’ Chifukwa ndikaŵawezgiyanga ku charu chawo chenicho ndingupaska ku auskeu.

Yeremiya 29:14

Ndikasanirikanga ndi imwe, atiti Ambuya, ndipo ndikakuwezgiyaninga umampha ndikukuunjikani pamoza kutuwa ku mitundu yose ndiku malo ghose kweniko ndikukudikiskiyani, atiti Ambuya, ndipo ndikakuwezgiyaninga ku malo kweniko ndingumutuzgani kuya ku umkoli.

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Zefaniya 2:7

ŴaYuda ŵakujako ŵaŵenge ndi charu cha mumphepete mu nyanja, kweniko ŵaliskenge vyakuŵeta vyawo, ndipo mu nyumba za Ashikeloni ŵagonenge ndi mazulo. Chifukwa Ambuya Chiuta wawo waŵakumbukenge, ndi kuwezga umampha wawo.