Amosi 9:13 - Tonga Bible 1986

¹³ “Wonani, mazuŵa ghatuza,” atiti Ambuya, “mwaku ghenigho mulimi wasaniyenge wakuvuna, ndi wakukanya mphereska wakasaniyanga wakumija mbeu. Mapiri ghakanthonyanga vinyo wakunowa, ndipo mapiri ghamanaghamana ghose ghazazikenge ndi iyo.

Amosi 9:13 Referans Kwoze

Yoele 3:18

“Ndipo mu zuŵa lo mapiri ghanthonenge vinyo mufya, ndi tumapiri tutaŵarenge mkaka, ndi tumisinji tose twaku Yuda twendenge maji; ndipo chisimi chibwibwitukenge kutuliya ku nyumba ya Ambuya chamdiriya dambo la Shitimu.

Yohane 4:35

Asi mutiti imwe, ‘Kweche myezi yinayi, ndipo chituza chivuna’? Alereni, ndikuneniyani, yinuskani maso ghinu, ndipo thoŵani minda yo, pakuti yacha kali ku chivuna.

Yesaya 55:13

Mu malo mwa minga mukamenga ming'ona; mu malo mwa kankhande mukatuwanga mulombwa; ndipo chikaŵanga chikumbusku ku Ambuya, chiziŵisku cha muyaya cho kuti chikadumulikanga cha.”

ŴaLevi 26:5

Mbeu zinu zikakwananga kwachifika ku chivuna cha mphereska, ndi chivuna cha mphereska kwachifika ku nyengo ya kupanda; mukarghanga ndi kuguta, ndi kuja mu charu chinu kwambura mantha.

Ezekiele 36:35

Ndipo ŵakatinge, ‘Charu ichi cho chenga phasulu chasanduka ulaka ndi munda wa Edeni; ehe mizi ya mapopa ya phasulu ndi yakubwanganduka sono nja malinga ndipo yendi ŵanthu ŵakujamo.’

Yoele 3:20

Kweni Yuda waŵenge ndi ŵanthu ŵakujamo muyaya, ndi Yerusalemu ku migonezi yose.

Sumu 97:5

Mapiri ghasongonoka nge ndi phura paurongo pa Ambuya ŵa charu chose.

Ŵeruzgi 5:5

Mapiri ghanguyaghayika paurongo pa Ambuya, iwe Sinai paurongo pa Ambuya Chiuta waku Yisraele.

Amosi 9:5

Ambuya, Chiuta wa maŵanja, yo wakwaska charu chapasi ndipo chisongonoka, ndi wose wo ŵaja mwaku cho ŵatenje, ndipo chose chiyuka nge ndi Nile ndipo chibila so, nge ndi Nile waku Egipiti;

Chiyambo 49:11

Wakumangiliya mwana wa mbunda wake ku mphereska ndi mwana wambunda yake ku mphereska yakusankhika, wasuka maraya mu vinyo ndi chivwalo chake mu ndopa za vipasi;

Yesaya 16:10

Ndipo chimwemwe ndi likondwa vyatuzgikako ku munda wakupasa; ndipo mu minda ya mphereska sumu kuti zimbikamo cha, viwawa kuti vichitika cha, palivi wakukanda yo wakanda vinyo pa mbuli, chiwawa cha waku unjika vipasi chachetamiskika.

Ezekiele 28:26

Ndipo ŵakajangamo kwakufwasa, ŵakazenganga zinyumba ndi kupanda mphereska. Ŵakajanga kwakufwasavi, po ndifiska vyeruzgu paku wose ŵakuzengezgana ŵawo wo ŵanguŵayuyuwa. Sono penipo ndipo ŵakaziŵanga kuti ine ndine Ambuya Chiuta wawo.”

Yoele 2:24

“Mibuli yizazenge trugu, viyaŵi vifwapukenge ndi vinyo, ndi mafuta.