Amosi 9:11 - Tonga Bible 1986

¹¹ “Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Amosi 9:11 Referans Kwoze

Yesaya 16:5

po ndipo chitengo cha ufumu chikamikikanga mu chanju chizirima ndipo paku cho ŵakajangapo mu ukongorekwa mu hema laku Davidi yo wateruzga ndi wapenja cheruzgu chirunji ndi ngwakukankhamika kuchita urunji.”

Sumu 80:12

Kumbi mukupasuliyanji malisitu ghake? Sono yose yo wajumphapo waziŵa kuba vipasi vyake.

Yesaya 63:11

Mweni wangukumbuka mazuŵa gha kali, mazuŵa ghaku Mosese muŵanda wake. Ŵepani yo wangukwezga kutuwa mu nyanja ŵaliska ŵa muskambu? Wepani yo wanguŵika mukati mwawo Mzimu wake utuŵa,

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Ezekiele 36:11

ndipo ndikandaniskanga paku imwe munthu ndi chakuŵeta; vyandanenge ndi kupapana; ndikamuzenganinga nge ndi munyengo zinu za kali, ndimuchitiyeninga umampha ukongwa kuruska pakudanga. Penipo ndipo mukaziŵanga kuti Ine ndine Ambuya.

Ezekiele 17:24

Miti yose ya mudondo yikaziŵanga kuti ine Ambuya ndisiskiya pasi muti utali, ndikukwezge pachanya muti ufupi, kumizga muti uŵisi, ndi kusundiska muti wakumira. Ine Ambuya ndarongoro, ndipo ndikachichitanga.”

Chitenje 5:21

Tiwezgiyeni kwaku mwaŵeni Ambuya, alinga kuti tiwezgeke! Nozgani so mazuŵa ghidu nge ndimo ghanguŵiya kale!

Yeremiya 46:26

Ndikaŵaperekanga mu janja laku wo ŵapenja kuŵabaya, mu janja laku Nebukadanezara karonga wa Babiloni ndi ŵaraŵara ŵake. Pavuli Egipiti wakaŵanga ndi ŵakujamo uli ndi mu mazuŵa gha kali,” atiti Ambuya.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Jobu 1:10

Asi mukumuzingizga ndi lisitu, ndi nyumba yake ndi vyose vyo mwe navyo? Mwatumbika mlimu wa manja ghake ndipo viŵetu vyake vyandana mu charu.

Mika 7:14

Liskani ŵanthu ŵinu ndi ndodo yinu, mskambu winu wo mwasankha wo uja mu lisuwa mukati mu charu cha minda; muwuleke ukarghenge mu Bashani ndi mu Gileada nge ndi mu mazuŵa gha kali.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Yeremiya 30:9

Kweni ŵakatataliyanga Ambuya Chiuta wawo ndi Davidi karonga wawo, mweniyo ndikaŵayuskiyanga.

Sumu 143:5

Ndikumbuka mazuŵa gha mwaka; ndirunguruka ndi vyose vyo mukuchita, nditaskavya nchitu za manja ghinu.

Sumu 89:40

Mwawiskiya pasi vimati vya msumba wake, malinga ghake mwaghasanduska mapopa.

Maŵerengedu 24:18

Edomu wakapokekanga, Seiri nayo, ŵakupindikana ŵake, ŵakapokanga, penipo Yisraele wakachitanga ndi nthazi.

Yesaya 58:12

Ndipo mapopa ghinu ghamwaka ghakazengekanga so, mukayuskanga viŵanja vya migonezi yinandi; mukadanikanga ŵakuzinda viliŵa vyakusweka, ŵakuwerezgamo zinyumba mu mapopa.

Yesaya 65:9

Ndikatuzganga mphapu mwaku Yakobe; ndi mwaku Yuda wakuhara mapiri ghangu; ŵakusankhika ŵangu ŵakaharanga, ŵateŵeti ŵangu ŵakajanga mwenimuwa.

Yeremiya 18:9

Ndipo asani pa nyengo ye yose nditaula pa mtundu pamwenga ufumu, kuti ndikauzenganga ndi kuwupanda,

Obadiya 1:17

Kweni mu phiri Zioni mukaŵanga wo ŵapozomoka, ndipo liŵenge lakupaturika; ndipo ŵamu nyumba yaku Yakobe ŵaŵenge navyo vihara vyawo ndi vyawo.

Mika 7:8

Mungasekeriyanga paku ine cha, mwa ŵarwani ŵangu, ndichiwa, nkhayukanga; ndichija mu mdima, Ambuya akaŵanga ukweru kwaku ine.

Mika 7:11

Zuŵa lakuzenge malinga ghako! Mu zuŵa liya mphaka yikatandaulikanga ukongwa.

Zekariya 6:12

ukambe nayo kuti, ‘Viyo atiti Ambuya ŵa maŵanja, “Wona, munthu yo zina lake ndi Mphanda; chifukwa wakakuwanga mu malo ghake, ndipo wakazenganga kasopi wa Ambuya.

Zekariya 12:7

“Ambuya apaskenge danga upundi ku mahema ghaku Yuda, mwakuti unkhankhu wa nyumba yaku Davidi ndi unkhankhu waku wo ŵaja mu Yerusalemu ureke kurumbika kuruska waku Yuda.

Zekariya 14:10

Charu chose chiŵenge chidika kutuwa ku Geba kwachifika ku Rimoni ku mwera kwa Yerusalemu. Kweni Yerusalemu wajenge wakutumphuka pa malo ghake, kutuwa ku Likomo laku Benjamini kwachifika ku malo gha likomo la kale, ku Likomo laku chi Ngodya ndi kutuwa ku Msumba waku Hamanele kwachifika ku vyakupondiyamo mphereska vya karonga.