Amosi 9:10 - Tonga Bible 1986

¹⁰ Ŵakulakwa wose ŵa ŵanthu ŵanguŵambubayika ndi lipanga ŵeniwo ŵatiti, ‘Uheni kuti ungatisaniya cha chingana nkhukumana nafwe.’

Amosi 9:10 Referans Kwoze

Amosi 6:3

owe imwe muŵika kutali zuŵa liheni, ndi kunderezge kufupi chitengo cha nkhaza?

Yesaya 33:14

Ŵakulakwa mu Zioni ŵatopa; kunjenjeme kwakunga ŵambura uchiuta: “Njani mukati mwidu yo wangaja pamoza ndi moto wakocha? Njani mukati mwidu yo wangaja pamoza ndi kunyeka kwa muyaya?”

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Malaki 3:15

Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”

Amosi 6:1

“Owe kwaku wo ŵaja ndi kufwasa mu Zioni, ndi kwaku wo ŵakudeka pa phiri la Samaria, ŵanthu ŵakuziŵika ŵa mitundu yakudanga, kwaku ŵeniwo nyumba yaku Yisraele yituza!

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yesaya 56:12

“Zaninga,” ŵatiti, “tiyeni timwe vinyo, tiyeni tigute ndi vyakuloŵereska; ndipo la mawa likawanga nge ndi msana wale, zuŵa likuru ndi lambura mapimika.”

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

Wakutaula 8:11

Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

Sumu 10:11

Mu mtima wake watiti, “Chiuta waruwa, wabisa chisku chake, kuti wakachilereskanga so cha.”

Ezekiele 20:38

Ndituzgengemo mukati mwinu ŵachigaruka, ndi wose ŵakundilakwiya ine, ndiŵatuzgenge mu charu cho ŵajamo nge mbalendo, ndipo kuti ŵakaserenga mu charu cha Yisraele cha. Penipo ndipo mukaziŵanga kuti ine ndine Ambuya.

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Amosi 9:8

Wonani, maso gha Ambuya Chiuta ghe pa ufumu wa kwananga, ndipo nkhawubwangandu wanga pa chisku cha charu, kweni nyumba yaku Yakobe pe kuti ndibwanganduliyengelimu cha,” atiti Ambuya.

Zekariya 1:6

Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”

Yeremiya 29:32

chifukwa cho atiti Ambuya: Ehe, ndikalanganga Shemaya waku Nehelamu ndi mphapu yake: kuti wakaŵangapo wamoyo cha mukati mu ŵanthu yaŵa, wakuti wawone chamampha chenicho ine ndikachitiyanga ŵanthu ŵangu, atiti Ambuya, chifukwa warongoro chigaruka pa Ambuya.’ ”

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”