Amosi 8:4 - Tonga Bible 1986

⁴ Vwani ichi, imwe mukandirizga ŵasauchi, ndi mumara ŵakavuŵamu charu,

Amosi 8:4 Referans Kwoze

Amosi 5:11

Chifukwa nchakuti mukandirizga ŵakavu, ndi kupoka mithulu yawo ya trigu, mwazenga nyumba za mya yakusema; kweni kuti mujengemo cha; mwalima minda ya mphereska yakukondweska; kweni kuti mukamwanga vinyo wake cha.

Nthanthi 30:14

Ŵalipo ŵeniwo minyu ghawo ndi malipanga, ŵeniwo minyo ghawo ndi vimayi, kuphwanyiya ŵakavu, kuŵamara mu charu chapasi, ŵasokwa kuŵatuzga mukati mu ŵanthu.

Sumu 14:4

Kumbi wareka kuziŵa, wose ŵakuchita utimbanizi wo ŵaturgha ŵanthu ŵangu ulaka nge ndimo ŵarghiya chiŵande, ndipo kuti ŵadana ku Ambuya cha?

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Yakobe 5:6

Mwamsuska, mwambaya murunji; kuti wamikisana namwe cha.

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Yeremiya 5:21

“Vwani ichi mwa ŵanthu ŵakupusa ndi ŵambura zeru, mwaŵakuwa ndi maso kweni kuti muwona cha, mwa ŵakuŵa ndi makutu, kweni kuti mutuvwa cha.

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

Amosi 7:16

Viyo sono, uvwi mazu gha Ambuya. Iwe utiti, ‘Ungachimanga cha ku mikana ndi Yisraele, ndi ungasambizganga cha kususka nyumba yaku Yisaki.’

Yeremiya 28:15

Ndipo Yeremiya wanguti kwaku Hananiya, “Ayivwa, Hananiya, Ambuya alivi kututuma, ndipo ŵanthu yaŵa ŵagomekezga mu utesi wako.

Yesaya 28:14

Chifukwa cho vwani mazu gha Ambuya, mwa ŵankharghi, imwe muteruzga ŵanthu mu Yerusalemu!

Yesaya 1:10

Avwani mazu gha Ambuya, mwa ŵeruzgi ŵa Sodomu! Tegherezgani gutu ku kurunguchizga kwaku Chiuta widu, mwa ŵanthu ŵaku Gomora!

Sumu 56:1

Ndichitiyeni wezi, A Chiuta, chifukwa zuŵa lose ŵakurwana nane ŵandifinyikizga;

Jobu 24:4

Ŵapatuska ŵakavu kuti ŵatuwemo mu nthowa; ŵasauchi ŵamu charu wose ŵajibisa ŵeneko.

Ezekiele 45:10

“Mukaŵanga ndi vyakupimiya vyamampha, sokora yinu ndi chibeketi chinu vikaŵanga vya mweso wamampha.

Amosi 5:12

Chifukwa ndiziŵa unandi wamaulakwi ghinu ndi ukuru wa mphuru-puru zinu; imwe musuzga ŵarunji, imwe muronde vinda, ndi kupatuska ŵakavu mu likomo.

Mika 2:2

Ŵakhumbira minda, ŵayironda; ndi nyumba ŵazironda; ŵasuzga munthurumi ndi mbumba yake; munthurumi ndi chihara chake.

Sumu 10:7

Mlomo wake ngwakuzaza kutemba, kupusika, ndi kunyenga; pasi pa lilime lake pe soka ndi utimbanizi.

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Mika 3:3

mwaŵenimwe muturgha nyama ya ŵanthu ŵangu; ndi kufuŵa khungu lawo, ndi kuphwanya viwanga vyawo ndi kuvikang'antha nge ndi nyama pa chiŵiya, nge ndi nyama mu mumphika.

Zekariya 5:6

Ndipo ndinguti, “Kumbi nchine?” Iyo wanguti, “Ichi ndi sokora yo yituwa.” Ndipo wanguti, “Uku ndiko kunanga mu charu chose.”