Amosi 7:15 - Tonga Bible 1986

¹⁵ ndipo Ambuya angundidana kutuwa ku uliska wangu wa mskambu, ndi anguti kwaku ine, ‘Ruta, ukachimi ku ŵanthu ŵangu ŵaYisraele!’

Amosi 7:15 Referans Kwoze

2 Samuele 7:8

Mu chifukwa ichi ukambenge ndi mteŵeti wangu Davidi, ‘Viyo atiti Ambuya ŵa maŵanja, ndingukuto ku uliska, ku kulondo mberere, mwakuti uŵi mwana wa karonga pa khamu langu Yisraele;

Mateyu 9:9

Ndipo wachirutiriyapo Yesu wanguwona munthu, wakudanika Mateyu, wakuja pa nyumba yakusonkhiyapo msonkho; ndipo wangumunene, “Rondo ine.” Ndipo wangusoka, wangumrondo.

Yeremiya 1:7

Kweni Ambuya anguti kwaku ine, “Reka kukamba kuti, ‘Nde mwanamana’; pakuti kwaku wose wo ndikutumengeko ukarutanga, ndipo chose cho ndilanguliyenge iwe ukachikambanga.

Machitidu gha Ŵakutumika 5:20

“Kaninga; ndipo mani mu kasopi mo, ndi kambani ku khamu manenedu ghose gha Umoyo uwu.”

Machitidu gha Ŵakutumika 4:20

chifukwa ifwe kuti tiziŵa cha kureka kurongoro vyenivyo tawona ndi tavwa.”

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

1 Samuele 10:11

Ndipo wose wo ŵangumuziŵa kali pakumuwona mo wachimiyanga pamoza ndi ŵamchimi, ŵakambirananga yumoza ku munyake, “Nchine cho chawiya mwana waku Kishi? Kumbi Sauli nayo so we mukati mu ŵamchimi?”

Yeremiya 26:12

Yeremiya wangukamba ku ŵaraŵara ndi ŵanthu wose wakuti, “Ambuya angundituma kuchimiya pa nyumba iyi ndi msumba uwu mazu ghose gho mwavwa.

1 ŴaKaronga 19:19

Viyo wangutuwako kuwa, ndi wangusaniya Elisha mwana waku Shafati, wangumusaniya wachilima, ndi ng'ombe za vipingu chumi ndi ziŵi paurongo pake, iyo wenga ndi ya chumi ndi ziŵi. Eliya wangumurutiliya po wenga ndipo wangupong'a chirundu chake paku iyo.

Amosi 3:8

Nkharamu yichibangula; ndiyani wareka kopa? Ambuya Chiuta wakamba; ndiyani wangareka kuchima?”