Amosi 6:10 - Tonga Bible 1986

¹⁰ Ndipo asani mbali wapa mtima wa munthu, yo watumocha, wakamutonga kutuzgamo viwanga mu nyumba, ndipo wakatinge kwaku yo we mu nyumba mukati ukongwa, “Kumbi waliku soyumoza ndi iwe?” Wamukenge kuti, “Awa” Ndipo watinge, “Ja chete! pakuti tingaumbuwa zina la Ambuya cha.”

Amosi 6:10 Referans Kwoze

Amosi 8:3

Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

1 Samuele 31:12

vinkhara vyose vingusoka, ŵangwenda usiku wose, ŵangwachipawuwa chitanda chaku Sauli ndi vitanda vya ŵana ŵake pa chimati chaku Beteshani; ŵanguza navyo ku Yabeshe ndipo ŵanguvyocha kweniko.

Amosi 5:13

Chifukwa ichi ŵakuchenje ŵamujachete mu nyengo yeniyo; chifukwa ndi nyengu yiheni.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Ezekiele 20:39

“Kwaku imwe, nyumba yaku Yisraele, Ambuya Chiuta watiti, Rutani yumoza ndi yumoza waku imwe watakatakiye ŵangoza ŵake, sono ndi kunthazi viyo, asani mukarekanga kundivwiya; ipo lireke kukazuzgika zina langulituŵa ndi vyawanangwa vinu ndi ŵangoza ŵinu.

Yeremiya 44:26

Chifukwa cho vwani mazu gha Ambuya, imwe mose mwaku Yuda, imwe muja mu charu cha Egipiti: Ehe, ndarapiya pa zina langu likuru, atiti Ambuya, kuti zina langu likazumbulikanga so cha ndi mlomo wa munthu nanga njumoza mu Yuda mu charu chose cha Egipiti, kunena kuti, ‘Achiŵa amoyo Ambuya Chiuta.’

Yeremiya 16:6

Wose ŵara ndi ŵamana ŵakafwiyanga mu charu ichi; kuti ŵakaŵikikanga cha, ndipo paulengevi yumoza wakuŵatenje nanga nkhujicheka pamwenga kumeta phala chifukwa chawo.

Maŵerengedu 17:12

Ndipo ŵaYisraele ŵanguti kwaku Mosese, “Awonani, titufwa, timara, tose timara.

2 ŴaKaronga 23:16

Ndipo Josiya wangung'anamuka wanguwona minda pa phiri pachanya, wangutuma ndipo wangutuzga viwanga mu miunda yo, wanguvyoche pachanya pa jochero, ndi wangulipasuwa kwakuyana ndi mazu gha Ambuya gho munthu waku Chiuta wangumemeza yo wanguloska vinthu ivi.

2 ŴaKaronga 6:33

Ndipo penipo weche kurongoro nawo, karonga wanguza ndi wanguti, “Suzgu iyi njakutuliya ku Ambuya! Kafukwa nkhane kakuti ndilindizgenge mbwenu ku Ambuya?”

Yeremiya 9:21

Pakuti nyifwa yakwera yasere pa madangazi ghidu, yasere mu nyumba zidu za ufumu, kuŵadumuwa ŵana mu miseu ndi ŵanyamata mu mabwalo.