Amosi 5:3 - Tonga Bible 1986

³ Chifukwa atiti Ambuya Chiuta: “Msumba wo ungutuwa ndi chikwi chimoza (1,000), ukaŵanga ndi machumi pe chumi (100) ŵakujapo, ndi wo ungutuwa ndi machumi pe chumi (100) ukaŵanga ndi chumi limoza (10) ŵakujapo, ku nyumba yaku Yisraele.”

Amosi 5:3 Referans Kwoze

ŴaRoma 9:27

Kweni Yesaya wakutiya paku Yisraele: “Chingana unandi wa ŵana ŵaku Yisraele we nge ndi mchenga wapa nyanja, ŵakusiyika ndiwo ŵataskikenge.

Ezekiele 12:16

Kweni ndikapozomoskanga ŵamanavi ŵaku iwo ku lipanga, ku Chilala ndi ku chiwowota, alinga kuti ŵasumuwe maunyakazi ghawo ghose mukati mu mitundu ko ŵaruta, ndipo ŵaziŵe kuti ine ndine Ambuya.”

Yesaya 10:22

Pakuti chingana ŵanthu ŵako ŵaYisraele ŵangaŵa ŵanandi nge ndi mchenge wapa nyanja, ŵakujapo pe ŵaku wo ndiwo ŵakawenga. Phasulu larangulika, lifuza ndi urunji.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

Marangu 28:62

Nanga mungwandana uli ndi nyenyezi za kuchanya, mukajangako mwaŵamanavi mukaŵerengekanga, chifukwa mwengavi kuvwiya mazu gha Ambuya Chiuta winu.

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

Amosi 6:9

Ndipo asani ŵanthu chumi ŵaja mu nyumba yimoza, ŵakafwanga.

Sumu 144:14

Ng'ombe zidu zipaskenge mwandanu unandi, kwambura yakusoposka nanga nkhutondeka kubala; murŵangurwi ŵidu mureke kuvwika kuliya kwa soka!

Marangu 28:63

Ndipuuli ndimo wangukondwere kumuchitiyani umampha ndi kumwandaniskani, ndimo Ambuya akakondwiyanga mu kutole pharghang'iku pinu ndi kumumarani, ndipo mukazuwikanga mu charu chenicho mukaserengamo kwachiŵa chinu.