Amosi 5:17 - Tonga Bible 1986

¹⁷ ndi mu minda yose ya mphereska mukaŵanga chitenje, chifukwa ndidumuwenge mukati mwinu,” atiti Ambuya.

Amosi 5:17 Referans Kwoze

Chituwa 12:12

Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

Yeremiya 48:33

“Chimwemwe ndi likondwa vyatuzgikapo pa charu cha vipasi cha Moabu; ndamariska vinyo mwakuponde mphereska; palivi yumoza watumukanda ndi chiwawa cha likondwa, chiwawa kuti nchiwawa cha likondwa cha.

Yesaya 16:10

Ndipo chimwemwe ndi likondwa vyatuzgikako ku munda wakupasa; ndipo mu minda ya mphereska sumu kuti zimbikamo cha, viwawa kuti vichitika cha, palivi wakukanda yo wakanda vinyo pa mbuli, chiwawa cha waku unjika vipasi chachetamiskika.

Zekariya 9:8

Viyo ndizengenge msasa ndi kuja pa nyumba yangu nge ndi mlonda, kuti munthu wareke kwenda uku ndi uku; ndipo kuwulevi wakuŵasuzga, kuŵapofya, chifukwa sono ndiwona ndi maso ghangu.

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Nahumu 1:12

Viyo atiti Ambuya, “Chingana ŵangaŵa ŵanthazi pamwenga ŵanandi, ŵakadumulikanga ndi ŵakamaranga. Chingana ndamusuzgani, kuti ndimusuzgeninge so cha.

Yoele 3:17

“Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Chituwa 12:23

Pakuti Ambuya akaporotangamo kubaya ŵaEgipiti; ndipo ŵachizamuwona ndopa pa mugoro ndi pa nchindamiru ziŵi zapa khomo, Ambuya azamujumphapo pa khomo, ndipo kuti ŵakazomerezganga wakubaya yo kusere mu nyumba zinu cha kwachikubayani.

Chituwa 11:4

Ndipo Mosese wanguti, “Viyo atiti Ambuya, ‘Ndi usiku pakati ndikarutanga mukati mu Egipiti;